ტელეკომპანია იმედის ეგზიტპოლის მონაცემებით, თბილისში მერის არჩევნებში ქართული ოცნების მერობის კანდიდატმა, კახა კალაძემ 53% პროცენტი მიიღო.

რაც შეეხება მეორე ადგილზე გასულს, იმედის ეგზიტპოლის მიხედვით, მეორე და მესამე ადგილი 14-14%-ით დაიკავეს ალეკო ელისაშვილმა და ზაალ უდუმაშვილმა.

თუ ცესკო-ს შედეგები იმედის ეგზიტპოლის მსგავსი იქნება, მეორე ტური არ გაიმართება.

აღნიშნული შედეგები მთელი დღის განმავლობაში ჩატარებული კვლევის შედეგებს ასახავს. ცდომილების ზღვარი 2%-ია.

სხვა კანდიდატების შედეგები ასე გამოიყურება:

  • ელენე ხოშტარია - 5%;
  • ირმა ინაშვილი - 4%;
  • კახა კუკავა - 3%;
  • გიორგი ვაშაძე - 3%;
  • გიორგი გუგავა -2%:

პარტიების შედეგები თბილისის საკრებულოში

  • ქართული ოცნება - 54%;
  • ენმ - 16%;
  • ევროპული საქართველო - 6%;
  • პატრიოტთა ალიანსი - 5%.

კვლევის მეთოდოლოგია

იმედის დაკვეთით კვლევა გორბმა ჩაატარა. ტელეკომპანიის ცნობთ, გამოკითხვაში მონაწილეებმა თავიანთი პასუხები ელექტრონულ პლანშეტზე მონიშნეს და მათი პასუხები კონფიდენციალური იყო. პირისპირ გამოკითხვის მეთოდით თბილისში 6 ათასი ადამიანი გამოიკითხა. გორბის თანამშრომლებმა გამოკითხეს ყოველი მეექვსე ამომრჩეველი შემთხვევითი შერჩევის პრინციპით 100 საარჩევნო უბანზე. ცდომილება შეადგენს პლუს-მინუს 2 პროცენტს.