"მითების დეტექტორის" კვლევის მიხედვით, AI გენერირებული ყალბი ექაუნთები დიუშენის სინდრომის სამკურნალო პრეპარატების წინააღმდეგ მიმართული კამპანიას მხარს უჭერენ. ყალბი ექაუნთის კომენტარები პროსამთავრობო მედიების პოსტებზე გვხვდება, რომლებიც ქართული ოცნების ნარატივს უჭერენ მხარს.

"სოციალურ ქსელში საეჭვო, კოორდინირებული აქტივობა უკავშირდება "რუსთავი 2"-ის მიერ 2026 წლის 20 და 23 აპრილს გამოქვეყნებულ პოსტებს დიუშენის სინდრომის თემაზე. აღნიშნული პოსტები მოიცავს როგორც სამეცნიერო კვლევის აღწერას (ვირთაგვაზე შექმნილი მოდელი და ექსპერიმენტული მედიკამენტის ტესტირება), ისე კახა კალაძის განცხადებას, სადაც ის კითხვის ნიშნის ქვეშ აყენებს კონკრეტული პრეპარატის უსაფრთხოებასა და ეფექტიანობას," — ვკითხულობთ კვლევაში.

ფოტო: მითების დეტექტორი

გამოვლენილი ყალბი ანგარიშები შემდეგი ნიშნებით ხასიათდებიან:

  • 75 ყალბი ანგარიშიდან 47 ხელოვნური ინტელექტის მიერ გენერირებულ იდენტურ ფოტოს მცირედი მოდიფიცირებით იყენებს, 28 ანგარიში კი სხვადასხვა სოციალურ ქსელში რეგისტრირებული მომხმარებლების ფოტოებს იყენებს;
  • ამ 28 ანგარიშიდან 17 "მითების დეტექტორის" მიერ წარსულში გამოვლენილ დისკრედიტაციის კამპანიებშიც იყო ჩართული;
  • 75 ანგარიშიდან 47-ს პროფილის ფოტო 2026 წლის აპრილში აქვს ატვირთული, 26-ს კი 2025 წელს, რაც ანგარიშის შექმნის თარიღთან უნდა იყოს დაკავშირებული;
  • 75 ანგარიშიდან 70-ს სამუშაო ადგილად საქართველოში არსებული სხვადასხვა კომპანია აქვს მითითებული.

შეგახსენებთ, დიუშენის კუნთოვანი დისტროფიით დაავადებული ბავშვების მშობლებმა გუშინ ღამე მთავრობის კანცელარიასთან გაათენეს. ისინი სახელმწიფოსგან მედიკამენტის უზრუნველყოფას სთხოვენ.

მითების დეტექტორის სრული სტატია იხილეთ აქ.