ენმ-ის ერთ-ერთმა ლიდერმა ლევან ხაბეიშვილმა სასამართლო პროცესზე ოცნების საკადრო ცვლილებებზე ისაუბრა და მამუკა მდინარაძეს "გაპანღურებული გენერალი" უწოდა:

"კაცმა პირადად უზრუნველყო ჩემი დაკავება. თავმოყვარე ბაგა-ბაღში დირექტორს არ შეცვლიან 1 წელიწადში. მეოთხე სუს-ის უფროსი დანიშნეს. ოხანაშვილი სად აორთქლდა, დაჭერილი ხომ არ არის? მდინარაძე იყო და ახლა გელა. მდინარაძე აორთქლდა, "ზბორებზე" დაუშვეს.

გიჟივით დაეწაფა თანამდებობები. თავმოყვარეობა აღმოაჩნდათ სხვა სუს-ის ხელმძღვანელებს, მდინარაძე უთავმოყვარეო უტეხია. გააპანღურეს სუს-იდან. სუს-ზე [სუს-ის უფროსზე] მაღალი თანამდებობა პრემიერმინისტრობაც კი არაა.

რატომ, მორჩა ჩემი დაკავება? მისი ბრძანება იყო, მოსამართლემაც ვინც პატიმრობაში გამიშვა, მდინარაძესთან იყო დაკავშირებული. მისი თანამშრომლის მეუღლემ მომისაჯა.

მსჯელობა მიდის, რატომ გაუშვეს მდინარაძე? მე ვთქვი, რიჟვაძეზე, ვიცით პასუხი? მდინარაძემ თქვა, იქ არ ვიყავიო, რამე ვიცით? სადაა ფული, მამუკა ამოღებაში დანიშნეს და აჭერინეს ხალხი. არაა ფული, ამიტომ გაუშვეს მდინარაძე. მამუკას თანამდებობაც 10 დღე შეიძლება გაგრძელდეს. ზარქუას დონეზე დააბრუნეს.

8 თვე ისე გავიდა, თვალის დახამხამებაში, მამუკასაც დარჩა გენერლობა. სასწრაფოდ გააგდეს, ბიძინამ დარეკა. თუ ყველაფერი კარგადაა, დალაგებულად შექმნიდნენ სამსახურს. მერე გადაიყვანდნენ გენერალ კაცს. ხალხი 30 წელი მსახურობს, რომ გენერალი გახდეს. ეს კაცი 8 თვეში გახდა გაპანღურებული გენერალი, — განაცხადა ენმ-ის ერთ-ერთმა ლიდერმა ლევან ხაბეიშვილმა პროცესზე (სტილი დაცულია, ტექსტი — "ტვ პირველი").