"რაც შეეხება ვიქტორ ორბანს, ის ქართული ოცნების კი არა, ქართველი ხალხისა და ქართული სახელმწიფოს მეგობარი იყო", — ამის შესახებ თბილისის მერმა კახა კალაძემ უნგრეთის არჩევნებზე საუბრისას განაცხადა. მისი თქმით, არჩევნებში გამარჯვების შემდეგ პეტერ მადიარიმ საქართველოსთან დაკავშირებით მნიშვნელოვანი კომენტარი გააკეთა.

"ძალიან მნიშვნელოვანი განცხადება არის. არავის აქვს უფლება ჩაერიოს ქვეყნის შიდა პოლიტიკურ საქმეებში, როგორც ამას ზოგიერთი სხვა ევროპული სახელმწიფო ცდილობს. ეს კატეგორიულად მიუღებელია, და ჩვენ არავის მივცემთ შესაძლებლობას, ვინც არ უნდა იყოს და რაც არ უნდა დიდი სახელმწიფო იყოს, ჩაერიოს ქვეყნის შიდა პოლიტიკურ საქმეებში.

რაც შეეხება ვიქტორ ორბანს, ის ქართული ოცნების კი არა, ქართველი ხალხისა და ქართული სახელმწიფოს მეგობარი იყო, რაც ძალიან მნიშვნელოვანია.

უნგრეთი ხმალამოღებული იბრძოდა, რომ არასამართლიანი და მტრული დამოკიდებულება საქართველოსთან და ქართველ ხალხთან მიმართებით არ განხორციელებულიყო.

უნგრეთი და სლოვაკეთი იყო ძირითადად, ვინც აპროტესტებდა და ეწინააღმდეგებოდა იმ არასამართლიან დამოკიდებულებას, რომელიც საქართველოსთან მიმართებით ვლინდებოდა. დაველოდოთ, მოვლენები როგორ განვითარდება", — განაცხადა კახა კალაძემ.