თბილისში, ვაშა ფშაველას გამზირზე, 64-ე სკოლის მიმდებარედ, სადაც ორი საარჩევნო უბანია განთავსებული, მოძრაობენ მოქალაქეები, რომლებიც უბანზე მისულ ამომრჩევლებს ესაუბრებიან და სიაში აღნიშვნებს აკეთებენ. იქვე დგას ამ პირების ავტომობილიც.

On.ge-მ ერთ-ერთ მოქალაქეს ჰკითხა, თუ რას აკეთებდა საარჩევნო უბნების მიმდებარე ტერიტორიაზე სიით ხელში, რატომ ესაუბრებოდა საარჩევნო უბნებზე მისულებს და რა მონაცემებს ინიშნავდა. მან თქვა, რომ პროცესი არჩევნებს არ უკავშირდება:

"სია არ არის ესა. ჩემი ნათესავია ეგა. ორცხობილები მივართვით ბიჭებს. საარჩევნო უბანთან იმიტომ ვიმყოფები, რომ ეს სკოლა დავამთავრე, მიყვარს, აქ დავიბადე, აქ გავიზარდე. ამ ფურცელზე მაქვს ჩემი ნათესავების სიები".

ამომრჩევლების კონტროლი საარჩევნო უბანთან. 21 ოქტომბერი, 2017.

ფოტო: თამარ გეგიძე / On.ge

საქართველოს მასშტაბით, ოკუპირებული ტერიტორიების გამოკლებით, ადგილობრივი თვითმმართველობის არჩევნები იმართება.