ტეილორ სვიფტს იშვიათად თუ ვიხილავთ თავისი საფირმო წითელი ტუჩსაცხისა და თვალის კონტურის გარეშე, თუმცა ახალი კარიერული წარმატების აღსანიშნავად, მან სწორედ ასეთი იშვიათი კადრი გაგვიზიარა. პოპვარსკვლავის სიმღერა Opalite აშშ-ს Billboard Hot 100 რეიტინგში პირველია, რითაც ტეილორმა კარიერის განმავლობაში რიგით მე-14 პირველადგილოსანი სიმღერა მოიპოვა.

ამ მიღწევის აღსანიშნავად სვიფტმა სოციალურ ქსელებში სამადლობელი ტექსტი გამოაქვეყნა, თან კი მსმენელს სიმღერაზე მუშაობის კადრები გაუზიარა.

იხილეთ ვიდეო:

"უბრალოდ რამდენიმე მოგონება Opalite-დან Hot 100-ის პირველი ადგილის აღსანიშნავად, რომელიც ამ სიმღერას თქვენ მოუტანეთ!!" — წერს ტეილორი. "ემოციებს ვერ ვმალავ და გაოცებული ვარ იმ სიყვარულით, რომელიც ამ სიმღერისა და ვიდეოს მიმართ გამოიჩინეთ. უკეთ რომ ავხსნა... 2014 წლის ალბომი 1989-ს შემდეგ, ეს არის პირველი შემთხვევა, როდესაც ჩემს ერთ ალბომში შემავალმა ორმა სიმღერამ პირველი ადგილი დაიკავა — თითქმის თორმეტი წლის შემდეგ! ვიცი, რომ ბევრი ციფრია, მაგრამ ეს ყველაფერი იმ მადლიერებამდე მიდის, რომელსაც ფანების მიმართ ვგრძნობ. სიმღერის გულთბილად მიღებით თქვენ დამეხმარეთ ამ წარმატებაში. ძალიან ბედნიერი ვარ!! უბრალოდ მინდოდა მადლობა მეთქვა. შეიძლება სავაჭრო ცენტრში გიგანტური პრეცელიც ვიყიდო აღსანიშნავად, ვინც იცის, მიხვდება".

ფოტო: Taylor Swift

ტეილორმა მსმენელს Opalite-ის მუსიკალური ვიდეოს გადაღების კადრებიც გაუზიარა. აღსანიშნავია, რომ ვიდეოში სვიფტთან ერთად არაერთი ცნობილი სახე მონაწილეობს: კილიან მერფი, ჯოდი ტერნერ-სმიტი, გრეტა ლი, დონალ გლისონი, ლუის კაპალდი და გრაჰამ ნორტონი. როგორც პოპვარსკვლავმა თქვა, იდეა, რომ ეს ცნობილი ადამიანები თავის მუსიკალურ ვიდეოში დაეპატიჟებინა, მაშინ გაუჩნდა, როცა ყველანი გრაჰამ ნორტონის შოუს (The Graham Norton Show) სტუმრობდნენ.

The Graham Norton Show

The Graham Norton Show

ფოტო: PA

Opalite-ს მუსიკალური ვიდეო

Opalite-ს მუსიკალური ვიდეო

ფოტო: Taylor Swift