"ქართული ღვინის ხარისხის დაცვა თუ გინდათ, სანამ ვენახის გაშენებაზე ნებართვებს შემოიღებთ, უმჯობესია ქართული ღვინის ხარისხი რთველის დროს ვენახიდან ქარხნამდე ყურძნის გადატანის ნორმების დაცვით დაიწყოთ", — ამის შესახებ,"ვაზისა და ღვინის შესახებ" კანონში ცვლილებებზე საუბრისას, პარტია გახარია — საქართველოსთვის, ერთ-ერთი წევრმა, შალვა კერესელიძემ განაცხადა. მისი განმარტებით, მხარს უჭერენ ქართული ღვინის დაცვას, მაგრამ მხოლოდ გაზრდილი ბიუროკრატიის იმედად ხარისხს ვერ შენარჩუნდება.

• სამეწარმეო მიზნებისთვის ვენახის გაშენებაზე ღვინის ეროვნული სააგენტოს ნებართვა იქნება საჭირო

"ჩვენ მხარს ვუჭერთ ქართული ღვინის ხარისხის დაცვას, მაგრამ მოუმზადებელი სერტიფიცირების და ნებართვების შემოღებით, მხოლოდ გაზრდილი ბიუროკრატიის იმედად ხარისხს ვერ შეინარჩუნებთ.

ქართული ღვინის ხარისხის დაცვა თუ გინდათ, სანამ ვენახის გაშენებაზე ნებართვებს შემოიღებთ, უმჯობესია ქართული ღვინის ხარისხი რთველის დროს ვენახიდან ქარხნამდე ყურძნის გადატანის ნორმების დაცვით დაიწყოთ", — განაცხადა მან

მისივე განმარტებით, ვენახის გაშენების აკრძალვის ნაცვლად, მევენახეს ხარისხიანი ყურძენი ფასით უნდა წაუხალისონ, ხარისხიან ყურძენს თავისი ფასი უნდა ჰქონდეს და მეღვინეს და კერძო სექტორს კიდევ ღვინის მარკეტინგი უნდა დაუფინანსონ.

"ვენახების გაშენება კი არ უნდა აკრძალოთ და ვენახების ფართობის შემცირებაზე კი არ უნდა იფიქროთ, არამედ მევენახეს ხარისხიანი ყურძენი ფასით უნდა წაუხალისოთ და ყველა ჯიშის და ხარისხის ყურძენს თავის ფასი უნდა ჰქონდეს, ხოლო მეღვინეს და კერძო სექტორს კიდევ ღვინის მარკეტინგი უნდა დაუფინანსოთ და არა უხარისხო და ხარისხიან ყურძენში პოლიტიკის და საარჩევნო ხმების სანაცვლოდ ერთი ფასი გადაიხადოთ და რეალურად მივიღოთ ის, რომ მევენახეობა და გამრჯე-მშრომელი მევენახე გლეხკაცის ჯაფა გროშებად შეფასდეს და საბოლოო შედეგად კიდევ მევენახეობა-მეღვინეობა სპირტის მონოპოლიურ ბიზნესად და სახელმწიფო ბიუჯეტიდან მიღებული სუბსიდიების კორუფციულ წყაროდ გადაიქცეს", — თქვა კერესელიძემ.

მისივე განმარტებით,სერტიფიცირებას ან საწარმოო დანიშნულების ვენახის გაშენებაზე ნებართვების შემოღებას აზრი არ აქვს თუ ქარხანაში ჩასაწურად ფალსიფიცირებული პესტიციდებისგან გაფუჭებულ, კრეფის დროს დაზიანებულ და ტრანსპორტირების დროს დაჭყლეტილი ყურძენი შევა. შალვა კერესელიძემ ასევე აღნიშნა, რომ მევენახეობა-მეღვინეობის დარგისთვის ყველაზე სწორი იქნება პოლიტიკისა და კორუფციის ჩამოშორება და მევენახეების ინტერესების გათვალისწინება.

"რა აზრი აქვს ან ნერგების სერტიფიცირებას ან კიდევ საწარმოო დანიშნულების ვენახის გაშენებაზე ნებართვების შემოღებას თუ ქარხანაში ჩასაწურად ფალსიფიცირებული პესტიციდებისგან გაფუჭებულ, კრეფის დროს დაზიანებულ და ტრანსპორტირების დროს დაჭყლეტილ ყურძენს შეიტან რომელიც ყველა შემთხვევაში ღვინის ხარისხს აუცილებლად გაგიფუჭებს. ამიტომ იყავით თანმიმდევრულები და ჯერ პირველ რიგში რაც არის აუცილებლად გასაკეთებელი ის გააკეთეთ და მერე იფიქრეთ სერტიფიცირებაზე და ნებართვების შემოღებაზე. მევენახეობა-მეღვინეობის დარგს ყველაზე სწორი იქნება ჩამოაშორეთ პოლიტიკა და ჩამოაშორეთ კორუფცია. მიუდექით სახელმწიფოებრივად და მევენახეების ინტერესების გათვალისწინებით", — თქვა მან.

შეგხსენებთ, ოცნების ხელისუფლების პარლამენტის სოფლის მეურნეობის კომიტეტმა "ვაზისა და ღვინის შესახებ" კანონში ცვლილებები პირველი მოსმენით 16 თებერვალს განიხილა.

ცვლილებების მიხედვით, სამეწარმეო მიზნებისთვის ვენახის გაშენებაზე ღვინის ეროვნული სააგენტოს ნებართვა იქნება საჭირო.

ეზუგბაიას განცახდებით, ღვინის ეროვნული სააგენტო თანხმობისთვის გასცემს დოკუმენტს, რომელიც ფიზიკურ ან იურიდიულ პირს სამეწარმეო ვენახის გაშენების უფლებას მისცემს.