მუმიის ფილმების მე-4 ნაწილს 2028 წლის 19 მაისს ვიხილავთ. ფილმის სიუჟეტის შესახებ დეტალები უცნობია, მაგრამ ის ნამდვილად ვიცით, რომ ბრენდან ფრეიზერი და რეიჩელ ვაისი საკუთარ ლეგენდარულ როლებს უბრუნდებიან.

ფოტო: Everett Collection

ფრენჩაიზის ისტორია სათავეს 1999 წელს გამოსული ფილმი The Mummy-დან იღებს. სიუჟეტი მოგვითხრობს განძის მაძიებლის შესახებ, რომელიც შემთხვევით ზებუნებრივი ძალების მქონე დაწყევლილ ქურუმს აღვიძებს. ფილმების სერიის პირველმა და მეორე ნაწილმა ძალიან დიდი პოპულარობა და წარმატება მოიპოვა. რეიჩელ ვაისს 2008 წლის მესამე ნაწილში მონაწილეობა არ მიუღია, ამიტომ მისი ფრენჩაიზში დაბრუნება ფანებისთვის განსაკუთრებით ამაღელვებელია.

ფოტო: Everett Collection

პროექტს ასევე შეუერთდება შონ დანიელი — პროდიუსერი, რომელმაც 1999 წლიდან მუმიის ყველა ნაწილზე იმუშავა. მთავარი როლის შესრულებასთან ერთად, ბრენდან ფრეიზერი, ჯეისონ ბრაუნთან და დენის სტიუარტთან ერთად, ფილმის აღმასრულებელი პროდიუსერიც იქნება. ბეტინელი-ოლპინი და ჯილეტი მუმიის ახალ ნაწილს დევიდ კოგეშალის სცენარის მიხედვით გადაიღებენ.