10 თებერვალს რუსეთის სახელმწიფო დუმამ პირველი მოსმენით მიიღო კანონპროექტი, რომელიც მობილური მოწყობილობების ერთიანი რეესტრის შექმნას ითვალისწინებს მათი IMEI იდენტიფიკატორის (მობილური მოწყობილობის საერთაშორისო იდენტიფიკაციის კოდი) საფუძველზე. კანონპროექტი ასევე ითვალისწინებს რუსეთის მოქალაქეების საბანკო ბარათების ერთიანი მონაცემთა ბაზის შექმნას და სხვა ღონისძიებებს. ამის შესახებ ინფორმაციას BBC ვრცელებს.

სახელმწიფო დუმის განცხადებით, კანონი შექმნილია ტელეფონით და სხვა სახის თაღლითობის წინააღმდეგ საბრძოლველად, ხოლო მობილური ტელეფონებისა და საბანკო ბარათების თვალთვალი აუცილებელია, რადგან კიბერდანაშაული მზარდია. ახალი რეგულაციების პაკეტს Antifraud 2.0 ეწოდება.

კანონი არღვევს მოქალაქეების ანონიმურობას სახელმწიფოს წინაშე. თუმცა არსებობს შეშფოთება, რომ ის ასევე გამოიწვევს მობილური მოწყობილობების ბაზარზე ფასების ზრდას და გააფართოებს სმარტფონების "ნაცრისფერ ბაზარს".