"მაღაროელის” ინფორმაციით, ტყიბულის ერთ-ერთ შახტში ერთი მომუშავე დაიღუპა. გარდაცვალების მიზეზი ჯერ-ჯერობით უცნობია.

"სამწუხარო ამბავი გვაქვს — გავრცელებული ინფორმაციის თანახმად, ტყიბულში ერთ-ერთ შახტში მოხდა ტრაგიკული შემთხვევა, რის შედეგადაც, სამწუხაროდ, ერთი მშრომელი დაიღუპა. მომხდარ ფაქტთან დაკავშირებით ამ ეტაპზე დეტალური ინფორმაცია არ გვაქვს.
ჭიათურელი მაღაროელების სახელით , ვუსამძიმრებთ დაღუპულის ოჯახის წევრებსა და ახლობლებს.

მეგობრებო, მშრომელებო, იმისთვის, რომ მსგავსი ფატალური შემთხვევები მომავალში აღარ განმეორდეს, აუცილებელია ყველა საწარმოში, განსაკუთრებით კი შახტებსა და მაღაროებში, შრომის უსაფრთხოების სტანდარტები იყოს მაქსიმალურად დაცული. ასევე საჭიროა, რომ შესაბამისმა უწყებებმა რეგულარულად და ეფექტურად განახორციელონ კონტროლი.
ტყიბულში ერთ-ერთ შახტში ტრაგიკული შემთხვევის შედეგად ერთი მომუშავე დაიღუპა," — წერს "მაღაროელი".