"თუ ეს უნივერსიტეტი თავისუფალი კერა არ იქნება, ავტონომიური არ იქნება და თუ ის ერთპარტიული კონტროლი გავრცელდა უნივერსიტეტზე, უნდა ვიცოდეთ, რომ მაშინ საქართველო არ იარსებებს", — ამის შესახებ "ტვ პირველთან" საუბრისას საქართველოს მეხუთე პრეზიდენტმა, სალომე ზურაბიშვილმა განაცხადა.

"თუ ეს უნივერსიტეტი თავისუფალი კერა არ იქნება, თუ ეს უნივერსიტეტი ავტონომიური არ იქნება და თუ ის ერთპარტიული კონტროლი, რომელიც დღეს ვრცელდება ყველაზე და ყველაფერზე, ის გავრცელდა უნივერსიტეტზე, ჩვენ უნდა ვიცოდეთ, რომ მაშინ საქართველო არ იარსებებს, როგორც სახელმწიფო, როგორც დამოუკიდებელი. ამიტომ არის ის, რომ რუსეთის მუდმივი ზრახვა იყო და არის, რომ საქართველო არ ყოფილიყო განათლებული, რომ ყოფილიყო მასზე ბევრად ნაკლებად განათლებული, რამეთუ მისი კონტროლი ყოფილიყო სრულყოფილი ამ ქვეყანაზე და ეს არის ის გეგმა, რომელსაც დღეს ავად თუ კარგად, ცდილობენ ესენი, რომ განახორციელონ, როგორც რუსული რეჟიმი, ამას აკეთებენ დღეს. ჩვენ უნდა აღვუდგეთ წინ," — განაცხადა სალომე ზურაბიშვილმა.

მანამდე განათლების რეფორმაზე საუბრისას ზურაბიშვილმა თქვა, რომ "ეს არ არის განათლების რეფორმა, ეს არის განათლების დანგრევა".

"ეს არ არის განათლების რეფორმა, ეს არის განათლების დანგრევა, ეს არის იმ ძველ სისტემასთან დაბრუნება, რომელიც არც განათლებას უზრუნველყოფს და არც თავისუფალ აზროვნებას. პირდაპირ წყვეტს ჩვენს კავშირებს ევროპულ, თავისუფალ განმანათლებელ სივრცესთან, რაც ასევე ძალიან პრობლემურია, რადგან ჩვენ ძალიან კარგად ვისარგებლეთ Erasmus+ - ით და უამრავი ჩვენი სტუდენტი ამ გზით წავიდა და მიიღო დამატებითი განათლება ევროპაში, სხვადასხვა უნივერსიტეტებში.

ამიტომ, ყველა ამ კუთხით, ეს არის გაუგებარი და ერთადერთი ამის გამართლება იმ ხალხის თვალში, რომელიც ამას აწყობს, არის ის, რომ მეტი კონტროლი დააწესონ უნივერსიტეტზე, სტუდენტებზე, მეტი კონტროლი პროფესორებზე", — განაცხადა "ტვ პირველთან" საქართველოს მეხუთე პრეზიდენტმა, სალომე ზურაბიშვილმა