კენდრიკ ლამარი ოფიციალურად გახდა ჰიპ-ჰოპ არტისტი, რომელსაც გრემის ისტორიაში ყველაზე მეტი ჯილდო აქვს მიღებული და მოხსნა ჯეი-ზის რეკორდი.

Not Like Us-ის შემსრულებელმა მოიგო გრემი საუკეთესო რეპ-ალბომისთვის (GNX), საუკეთესო რეპ-სიმღერისთვის (TV Off), მელოდიური რეპ-პერფორმანსისთვის და წლის ჩანაწერისთვის (Luther) და რეპ-პერფორმანსისთვის Clipse-ის სიმღერაში Chains & Whips მონაწილეობისთვის, რის შედეგადაც მისი გრემების საერთო რაოდენობა 27-მდე გაიზარდა. ამით მან გადაასწრო წინა რეკორდსმენს, ჯეი-ზის, რომელსაც 25 გრემი აქვს, და კანიე უესტს, რომელიც მეორე ადგილზე იყო 24 ჯილდოთი.

კენდრიკ ლამარი 2026 წლის გრემის დაჯილდოებაზე

ფოტო: Getty Images

საუკეთესო რეპ-ალბომის ჯილდოს მიღებისას ლამარმა თქვა: "ეს ჩვეულებრივი ჰიპ-ჰოპია, მეგობრებო. საკუთარ თავზე ლაპარაკი არ მეხერხება, ამას მუსიკით გამოვხატავ. აქ ყოფნა დიდი პატივია... ჰიპ-ჰოპი ყოველთვის აქ იქნება. ჩვენ ამ კოსტიუმებში გამოპრანჭულები აქ ვიქნებით, ჩვენი ხალხი ჩვენთან იქნება. კულტურა ჩვენთან იქნება. ასე რომ, მადლობელი ვარ ყველასი. დიდება ღმერთს. მიყვარხართ"

ლამარი ამ საღამოს 22 გრემით და 57 ნომინაციით შეხვდა. წელს ის ცხრა გრემიზე იყო ნომინირებული, მათ შორის წლის ალბომის, წლის სიმღერისა და წლის ჩანაწერის კატეგორიებში. კვირას გამართულ გრემის 68-ე ყოველწლიურ ცერემონიამდე ის მესამე ყველაზე დაჯილდოებული რეპერი იყო.

გასულ წელს ლამარის ჰიტმა Not Like Us, დის ტრეკმა, რომელიც დრეიკის მისამართით იყო განკუთვნილი, საკუთარ კატეგორიებში სრული ტრიუმფი მოიპოვა და ერთდროულად ხუთი გრემი მოიგო. ლამარს საუკეთესო რეპ-ალბომის ჯილდო სამჯერ აქვს მიღებული: 2016 წელს To Pimp a Butterfly-სთვის, 2018 წელს DAMN.-ისთვის და 2023 წელს Mr. Morale & the Big Steppers-ისთვის. ცნობილია, რომ მისი 2012 წლის გარღვევა, good kid, m.A.A.d city, მაკლემორისა და რაიან ლუისის ალბომთან The Heist დამარცხდა, რამაც მწვავე კრიტიკა გამოიწვია და მაკლემორისგან ტექსტური შეტყობინებაც მოჰყვა, რომელშიც ის აღიარებდა, რომ ლამარი: "გაძარცვეს".

ასევე ნახეთ: გრემი 2026-ის გამარჯვებულები — იხილეთ სია