დიდ ბრიტანეთში, ქალაქ შეფილდში ფიგურული ციგურაობის ევროპის ჩემპიონატი მიმდინარეობს. სპორტულ ცეკვებში საქართველოს სახელით მოასპარეზე წყვილი — ლუკა ბერულავა და ანასტასია მეტელკინა ევროპის ჩემპიონი გახდა. ამის შესახებ ინფორმაციას ოცნების ხელისუფლების სპორტის სამინისტრო ავრცელებს.

წყვილმა მოკლე პროგრამაში 75,96 ქულა დააგროვა და მცირე ოქროს მედალი მოიპოვა, თავისუფალ პროგრამაში კი 139,80 ქულა დაიმსახურა და პირველი ადგილი დაიკავა; ორი პროგრამის ჯამში კი 215,76 ქულით ევროპის ჩემპიონობა იზეიმა.

ტურნირის მეორე საშეჯიბრო დღეს მოკლე პროგრამაში იასპარეზა ნიკა ეგაძემაც, რომელმაც მოკლე პროგრამაში მცირე ოქროს მედალი მოიპოვა.

ლუკა ბერულავასა და ანასტასია მეტელკინას სპორტულ წყვილს ევროპის ჩემპიონატზე სამივე სინჯის მედალი აქვს მოპოვებული. ვერცხლი მათ 2024 წელს მოიპოვეს, 2025 წელს კი ბრინჯაოს პრიზიორები გახდნენ.

სრიალში საუკეთესო შედეგები აჩვენეს შემდეგმა წყვილებმა:

ანასტასია მეტელკინა / ლუკა ბერულავა (საქართველო) — 215.76 (75.96 + 139.80)
მინერვა ფაბიენ ჰასე / ნიკიტა ვოლოდინი (გერმანია) — 203.87 (74.81 + 129.06)
მარია პავლოვა / ალექსეი სვიაჩენკო (უნგრეთი) — 202.56 (73.32 + 129.24)
ანიკა ჰოკე / რობერტ კუნკელი (გერმანია) — 188.27 (65.47 + 122.80)
ოქსანა ვუიამო / ტომ ბუვარი (შვეიცარია) — 183.31 (62.78 + 120.53)
რებეკა გილარდი / ფილიპო ამბროსინი (იტალია) — 174.31 (59.40 + 114.91)