4-წლიანი ლოდინის შემდეგი, ჰარი სტაილსი ახალი ალბომით — Kiss All the Time. Disco, Occasionally. — ბრუნდება.

როგორც ცნობილია, მუსიკოსის მეოთხე სტუდიური ალბომი 12 სიმღერას შეიცავს და მისი აღმასრულებელი პროდიუსერი კიდ ჰარპუნია. ამ უკანასკნელმა, სულ ახლახან Talking Heads-ის ყოფილი ფრონტმენის, დევიდ ბირნის, უახლესი ალბომი შექმნა.

მუსიკოსის ეს განცხადება მოულოდნელი ნამდვილად არ ყოფილა, რადგან ბოლო რამდენიმე თვეა, სოციალურ ქსელებში აქტიურად ვრცელდებოდა ინფორმაცია იმაზე, რომ ჰარი სტაილსი 2026 წელს მუსიკალურ სამყაროს უბრუნდებოდა. გასულ კვირას ჭორები გაამართლა ბილბორდებმა, რომლებიც ნიუ-იორკში, მადრიდსა და რომში გამოჩნდა. მათზე გამოსახული იყო წარწერები "ჩვენ ერთად ვართ", "მალე შევხვდებით" და მითითებული იყო უცნაური ვებგვერდი.

ფოტო: DailyMail

გარდა ამისა, რამდენიმე საათის წინ webelongtogether.co-ზე დარეგისტრირების შემდეგ, ჰარი სტაილსის გულშემატკივრებმა WhatsApp-ზე მუსიკოსისგან მიიღეს ხმოვანი შეტყობინება, რომელშიც ის ბილბორდებზე დაწერილ ტექსტებს ღიღინებს.

საბედნიეროდ, ფანების მოლოდინები გამართლდა, რადგან, თითქმის, 4-წლიანი ლოდინის შემდეგ, ის ახალი ალბომით ბრუნდება.

შეგახსენებთ, რომ მუსიკოსის ბოლო ალბომი — Harry’s House — 2022 წლის 20 მაისს გამოვიდა. ალბომმა, 900 000-ზე მეტი გაყიდული ჩანაწერით, დიდ ბრიტანეთში სამმაგი პლატინის სტატუსი მიიღო და 2023 წლის გრემის დაჯილდოებაზე წლის საუკეთესო ალბომის კატეგორიაში გაიმარჯვა.

რაც შეეხება ახალ ალბომს, მას 2026 წლის 6 მარტს მოვისმენთ.