ამერიკის შეერთებული შტატების პრეზიდენტი დონალდ ტრამპი სოციალურ ქსელში წერს, რომ ვენესუელის დროებითი ხელისუფლება აშშ-ის 30-დან 50 მილიონ ბარელამდე მაღალი ხარისხის სანქცირებულ ნავთობს გადასცემს. მისივე განმარტებით, აღნიშნული ნავთობი საბაზრო ფასად გაიყიდება და მიღებულ თანხებს თავად დონალდ ტრამპი გააკონტროლებს.

"სიხარულით ვაცხადებ, რომ ვენესუელის დროებითი ხელისუფლება ამერიკის შეერთებულ შტატებს გადასცემს 30-დან 50 მილიონ ბარელამდე მაღალი ხარისხის, სანქცირებულ ნავთობს. ეს ნავთობი გაიყიდება საბაზრო ფასად, ხოლო მიღებულ თანხებს ვაკონტროლებ მე, როგორც ამერიკის შეერთებული შტატების პრეზიდენტი, რათა უზრუნველვყო მათი გამოყენება ვენესუელისა და შეერთებული შტატების ხალხის საკეთილდღეოდ.

მე უკვე ვთხოვე ენერგეტიკის მდივან კრის რაიტს, დაუყოვნებლივ განახორციელოს ეს გეგმა. ნავთობი გადაიზიდება საცავ-გემებით და პირდაპირ ჩამოვა ამერიკის შეერთებულ შტატებში არსებულ გადმოტვირთვის პორტებში", — დაწერა დონალდ ტრამპმა.