ბონში გამართულ DW-ს წლევანდელ გლობალური მედიის ფორუმზე თამარ კინწურაშვილმა DW-ს 2025 წლის სიტყვის თავისუფლების ჯილდო მიიღო.

"კინწურაშვილი, რომელიც მედიის განვიტარების ფონდ MDF-ისა და ფაქტ-ჩეკერ პლატფორმა "მითების დეტექტორის" აღმასრულებელი დირექტორი და მთავარი რედაქტორია, წარმოადგენდა წამყვან ხმას კორუფციის გამოვლენაში და საქართველოში დამოუკიდებელი ჟურნალისტიკის გაძლიერებაში.

მან თავი მიუძღვნა ახალგაზრდებისა და ჟურნალისტების განათლებას დეზინფორმაციის საფრთხეებისა და თავისუფალი პრესის მნიშვნელობის შესახებ", — წერს DW.