ოცნების პარლამენტმა მართვის მოწმობებთან დაკავშირებული საკანონმდებლო ცვლილება, რომელიც იმ პირებისთვის მართვის მოწმობის დაბრუნებას გულისხმობს, ვინც ადმინისტრაციული სამართალდარღვევა 2025 წლის 16 დეკემბრამდე ჩაიდინეს, დაჩქარებული წესით განიხილა და საბოლოოდ დაამტკიცა.

საბოლოო ცვლილებების მიხედვით 1-ელი იანვრიდან მართვის მოწმობა აღუდგებათ პირებს, რომლებსაც ეს უფლება ალკოჰოლური/ნარკოტიკული ნივთიერების გამოყენებისთვის, შემთხვევის ადგილის მიტოვების ან (მართვის მოწმობის) ქულები გაუნულდათ გამო ჩამოერთვათ. ასევე მათ მართვის მოწმობაზე 100 ქულის მიენიჭებათ.

მართვის მოწმობების დაბრუნებასთან ერთად ოცნების პარლამენტი კანონს ამკაცრებს — ამის შემდეგ, თუ პირს აღნიშნული მიზეზების გამო მეორედ ჩამოერთვა მართვის მოწმობა, ის ვეღარ შეძლებს მის დაბრუნებას ფულადი ჯარიმის გადახდით ან მართვის მოწმობის გამოცდის თავიდან ჩაბარებით.

მართვის მოწმობის უფლების დაბრუნება არ ეხებათ იმ პირებს, რომელთაც გამოიწვიეს ავტოსაგზაო შემთხვევა, რის შედეგადაც პირი დაშავდა/გარდაიცვალა.

ვრცლად მართვის მოწმობებთან დაკავშირებული საკანონმდებლო ცვლილებასთან დაკავშირებით წაიკითხეთ აქ.