13 დეკემბერს "ქარტიის პრიზი 2025-ის" გამარჯვებულები გამოვლინდნენ.

სხვადასხვა ნომინაციებში გამარჯვებულების სია ასეთია:

ფოტო/ფოტორეპორტაჟი ონლაინ ან ბეჭდურ მედიაში — მინდია გაბაძე,"პუბლიკა".

სტატია/მულტიმედია სტატია ონლაინ მედიაში — ნათია ამირანაშვილი გახდა, "პუბლიკა" სტატიით: "ცრუ მოწმეებად მხილებული მოწმე პოლიციელები".

ქალთა უფლებებისა და გენდერული თანასწორობის გაშუქება — ნასტასია არაბული "რადიო თავისუფლება" ნამუშევრით: "ტინდერის ასლარიანო ბოზებო" — პოლიციელების უხამსობა და ძალადობა ქალ დემონსტრანტებზე".

სიღრმისეული ან საგამოძიებო ნამუშევარი – "სტუდია მონიტორი", ნამუშევრით: "გაიცანით სკამერები საქართველოდან".

ჟურნალისტიკის განვითარებაში შეტანილი წვლილისთის "მედიის ადვოკატირების კოალიციის" ჯილდო მზია ამაღლობელს გადაეცა.

ყოველწლიური კონკურსის მიზანი ეთიკური ჟურნალისტიკის განვითარების ხელშეწყობა და პროფესიული სტანდარტების დამკვიდრებაა.

ორგანიზაცია კონკურსს ოთხ ნომინაციაში აცხადებს: სტატია/მულტიმედია სტატია ონლაინ მედიაში; სიღრმისეული ან საგამოძიებო ნამუშევარი; ფოტო/ფოტორეპორტაჟი ონლაინ ან ბეჭდურ მედიაში. პრიზი გაიცემა ნამუშევრისთვის, რომელიც საუკეთესოდ ასახავს საზოგადოების ძალისხმევას ქვეყანაში დემოკრატიული უკუსვლის შესაჩერებლად და დემოკრატიული ღირებულებებისა და ინსტიტუციების დასაცავად; ქალთა უფლებებისა და გენდერული თანასწორობის გაშუქება. პრიზი ამ ნომინაციისთვის გაეროს ქალთა ორგანიზაციამ დააწესა.

დამატებით, "მედიის ადვოკატირების კოალიცია" გასცემს სპეციალურ პრიზს სიტყვის თავისუფლების დაცვისა და ჟურნალისტიკის განვითარებაში შეტანილი განსაკუთრებული წვლილისთვის.