2025 წლის საბავშვო ევროვიზიამდე სულ რამდენიმე დღეღა გვაშორებს. 13 დეკემბერს თბილისის ტანვარჯიშის არენა რიგით 23-ე ევროვიზია ჯუნიორს უმასპინძლებს. კონკურსის სამზადისი კულმინაციურ ფაზაში შევიდა: მონაწილეები უკვე საქართველოში არიან და რეპეტიციებს გადიან.

პირველი რეპეტიცია გაიარა მასპინძელი ქვეყნის წარმომადგენელმაც. ანიტა აბგარიანი თავის საკონკურსო სიმღერას Shine Like a Star ("ვარსკვლავივით ანათე") ფინალურ შოუზე მე-15 ნომრად შეასრულებს. როგორც რეპეტიციის ფოტოებიდან ვიგებთ, მასთან ერთად სცენაზე ოთხი მოცეკვავე იქნება.

ფოტო: Corinne Cumming / EBU

ფოტო: Corinne Cumming / EBU

10 წლის ანიტა აბგარიანმა საბავშვო ევროვიზიაზე რეკორდსმენი ქვეყნის წარმომადგენლის სტატუსი პირველი არხის პროექტ რანინაში გამარჯვებით მოიპოვა.

"ამ გამარჯვებით მივდივარ ევროვიზიაზე და მაქვს საპასუხისმგებლო მისია", — თქვა მაშინ ანიტამ, — "მე ჩემს მაქსიმუმს დავდებ, რომ კარგად წარვადგინო ევროვიზიაზე თავი".

ფოტო: Corinne Cumming / EBU

ფოტო: Corinne Cumming / EBU

ანიტას საკონკურსო სიმღერის ავტორი გიგა კუხიანიძეა. სწორედ კუხიანიძის დაწერილია ოთხივე სიმღერა, რომლითაც საქართველომ სხვადასხვა წელს კონკურსზე გაიმარჯვა.

ფოტო: Corinne Cumming / EBU

ფოტო: Corinne Cumming / EBU

ფოტო: Corinne Cumming / EBU

2025 წლის საბავშვო ევროვიზიაზე 18 ქვეყანა მიიღებს მონაწილეობას. საგანგებოდ 2026 წლის ევროვიზიისთვის, რომელიც კონკურსის საიუბილეო, 70-ე წელია, შეიცვალა ლოგო. ამდენად, წელს პირველად, ახალი ლოგოთი გაიმართება საბავშვო ევროვიზიაც. ამასთან, წინა წლებისგან განსხვავებით, კონკურსს ყოველწლიურად განსხვავებული სლოგანი აღარ ექნება და, ევროვიზიის მსგავსად, აქაც United by Music ("მუსიკით გაერთიანებული") გახდება შეუცვლელი დევიზი.

ფოტო: Corinne Cumming / EBU

რაც შეეხება სცენის დიზაინს, მისი ინსპირაცია ქართული კულტურული მემკვიდრეობაა. ცენტრში ქართული დოლის ერთგვარი მოდელია გაცოცხლებული, მის გარშემო წარმოდგენილი სხვადასხვა ფორმის ელემენტები კი სიმბოლურად ქვეყნის მთაგორიან ლანდშაფტებს, ციხესიმაგრეებსა და ტრადიციულ კოშკებს წარმოადგენს.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...