2025 წლის 1-ელი დეკემბრიდან საქართველოს მოქალაქეებს პოლონეთში გამარტივებული გზით სამუშაო ვიზის მიღების საშუალება აღარ ექნებათ.

ამის შესახებ პოლონეთის ოჯახის, შრომისა და სოციალური პოლიტიკის მინისტრის ახალ დადგენილებიდან ვიგებთ.

დოკუმენტში წერია, რომ 1-ელი დეკემბრიდან, გამარტივებული პროცედურები, მათ შორის უცხოელისთვის სამუშაოს მინდობის შესახებ განცხადება, შეეხებათ: სომხეთის, ბელარუსის, მოლდოვას და უკრაინის მოქალაქეებს. საქართველოს მოქალაქეები ამ სიიდანა მოიღეს.
"ახალი რეგულაცია საქართველოს მოქალაქეებისთვის გამონაკლისს ითვალისწინებს, მაგრამ მხოლოდ გარკვეული პირობებით:

"უცხოელისთვის სამუშაოს მინდობის შესახებ განცხადებები და 2025 წლის 20 მარტის კანონის 53-ე და 56-ე მუხლების დებულებები, რომლებიც ეხება პოლონეთის რესპუბლიკის ტერიტორიაზე უცხოელებისთვის სამუშაოს მინდობის დასაშვებობის პირობებს, შეიძლება გავრცელდეს შემდეგი ქვეყნების მოქალაქეებზე:

1) სომხეთის რესპუბლიკა;
2) ბელარუსის რესპუბლიკა;
3) მოლდოვას რესპუბლიკა;
4) უკრაინის.

საქართველოს რესპუბლიკის მოქალაქეს, რომელსაც სამუშაო მინდობილი აქვს მიღებული ამ რეგულაციის ძალაში შესვლამდე შეუძლია, გააგრძელოს მუშაობა ამ დეკლარაციაში მითითებული პირობებით ამ განცხადების ვადის გასვლამდე.

იმ პროცედურებზე, რომლებიც დაწყებული იყო და დასრულებული არაა რეგულაციის ძალაში შესვლამდე, გავრცელდება ძველი რეგულაციის ნორმები.

ეს რეგულაცია ძალაში შედის 2025 წლის 1-ელი დეკემბერს", — წერია პოლონეთის ოჯახის, შრომისა და სოციალური პოლიტიკის მინისტრის ახალ კანონში.