ბრიუსელის აეროპორტმა ხუთშაბათს საღამოს უცნობი დრონის გამოჩენის გამო ოპერირება შეაჩერა — ეს მიმდინარე კვირაში მესამე ასეთი ინციდენტია. ამის შესახებ ადგილობრივი მედია იუწყება.

ბელგიის საჰაერო კონტროლის სამსახურმა ბრიუსელის ზავენტემის აეროპორტის დახურვის ბრძანება ადგილობრივი დროით 21:20 საათზე გასცა. საჰაერო მოძრაობა დაახლოებით 22:00 საათისთვის აღდგა.

ბრიუსელის აეროპორტის ცნობით, ერთი რეისი ამსტერდამის აეროპორტში გადამისამართდა. საღამოს დაგეგმილი ყველა სხვა რეისი შესრულდე.

ბელგიური მედია წერს, რომ ზავენტემის და ლიეჟის აეროპორტმა, დრონების გამოჩენის გამო, სამშაბათს ორჯერ შეაჩერეს ოპერირება.

ბელგიის სადაზვერვო სააგენტოები ვარაუდობენ, რომ დრონებთან დაკავშირებული ბოლოდროინდელი ინციდენტების სერიის უკან უცხო სახელმწიფო, სავარაუდოდ რუსეთი დგას.

ხუთშაბათს ეროვნული უშიშროების საბჭოს სხდომის შემდეგ, ბელგიამ დრონებთან დაკავშირებული ინციდენტების სერიის საპასუხოდ, ეროვნული საჰაერო უსაფრთხოების ცენტრის უფლებამოსილებების გაძლიერება გადაწყვიტა.