ქართული ოცნების დეპუტატი საკრებულოში, ლუკა ძაძამია რომელიც 2024 წლის დეკემბერში საპროტესტო აქციებში იღებდა მონაწილეობას ამბობს, რომ "პოლიტიკა არ არის სტატიკური მოცემულობა, ეს არის დინამიკა, არის მუდმივი ცვლილებები". მისივე თქმით, "საპროტესტო აქციების მსვლელობებმა თავადვე გამოაჩინა რადიკალური მიზნები".

ჟურნალისტის კითხვაზე ­— "რუსთაველის გამზირზე აქციაზე რომ იდექი, მაშინაც ოცნებობდი საკრებულოს დეპუტატობაზე?"

ლუკა ძაძამია პასუხობს:

"მე ყოველთვის ვოცნებობდი ჩემი ქვეყნის სამსახურში ყოფნაზე და ჩემი სამშობლოსთვის კეთილდღეობის მოტანაზე. ...ქართული ოცნების გუნდი 2012 წლიდან მოყოლებული მაქსიმალურად ახორციელებს ყველა შესაძლო საშუალებას, რათა ჩვენს ქვეყანას მოუტანოს მშვიდობა და კეთილდღეობა. ... თქვენთვის ცნობილია, რომ პოლიტიკა არ არის სტატიკური მოცემულობა, ეს არის დინამიკა, არის მუდმივი ცვლილებები. ცალსახად გამოვლინდა, ამ საპროტესტო აქციების მსვლელობებმა თავადვე ამხილა საკუთარი თავი, თავადვე გამოაჩინა რადიკალური მიზნები", — თქვა ძაძამიამ საკრებულოში "ტვ პირველის" ჟურნალისტთან საუბრისას.