მწერალი გიორგი კეკელიძე ეხმაურება გავრცელებულ ინფორმაციას ნინო დათაშვილის ჯანმრთელობის მდგომარეობის შესახებ და წერს, რომ ის "ძალიან ცუდადაა და აუცილებლად უნდა გათავისუფლდეს".

"დღეს ერთი მასწავლებლის პროცესი გაიმართება. ეს მასწავლებელი არის ცუდად. ძალიან ცუდად და აუცილებლად უნდა გათავისუფლდეს.

ჩემი, როგორც მასწავლებლის და მოქალაქის სოლიდარობა ყოველთვის იქნება ადამიანის მიმართ, რომელიც იტანჯება და დღეს ასეთი ადამიანი, მათ შორის, ნინო დათაშვილია", — წერს გიორგი კეკელიძე.

სამოქალაქო განათლების მასწავლებელ ნინო დათაშვილს მიმდინარე წლის 9 ივნისს სასამართლოს მანდატურზე თავდასხმას ედავებიან. მას ბრალი სსკ-ს 353/2 მუხლის მე-3 ნაწილით აქვს წარდგენილი, რაც სამსახურებრივი მოვალეობის შესრულების დროს საჯარო მოსამსახურეზე ძალადობას გულისხმობს და 4-დან 7 წლამდე პატიმრობას ითვალისწინებს.