დავით ზურაბიშვილი: ერთი დიდი პოეტისა არ იყოს, ჩემთვის დღესავით არის ნათელი, რას იტყვის თქვენზე [ქართულ ოცნებაზე] შთამომავლობა

22 Oct. 2025, 21:54

"დამოუკიდებელი საქართველოს ისტორიაში პირველი შემთხვევაა, როდესაც ციხეში პოლიტიკური მოტივით ზის ორი ცნობილი მწერალი (ზვიად რატიანი და ბექა ქურხული), ერთი ცნობილი მხატვარი (ლევან მარგიანი), ერთი ცნობილი მსახიობი (ანდრო ჭიჭინაძე) და სამი ცნობილი ჟურნალისტი (მზია ამაღლობელი, ვახო სანაია, ქეთა ციცქიშვილი). ამის გარდა კიდევ სამოცზე მეტი წესიერი და პატიოსანი ადამიანია დაპატიმრებული, რომელთაგან ზოგი ნიკაპს ზემოთ აწეული შარფის გამო ზის, ზოგი ფეისბუქში პოსტის გამო და ზოგი კიდევ ვერც პოლიცია და ვერც მოსამართლე რომ ვერ ხსნის რატომ უნდა იჯდეს, მაგრამ ზის, პლუს ცხრა პოლიტიკური ლიდერი და პოლიტიკოსიც ზის (მელია, გვარამია, ჯაფარიძე, ხოშტარია, ვაშაძე, ოქრუაშვილი, თარგამაძე, ჩხარტიშვილი, ხაბეიშვილი) და კიდევ მეათე ქვეყნიდანაა გაქცეული, თორემ ისიც იჯდებოდა.

ვიღაც იტყვის, კანონი დაარღვიეს და აბა რა ეგონათო. კი ბატონო, კანონის დარღვევა არაა სასურველი ამბავი, მაგრამ კანონიცაა და კანონიც! ნაცისტურ გერმანიაში ებრაელი თუ იყავი, კანონის მიხედვით უკვე დანაშაულად გეთვლებოდა და იმ კანონების დამწერის, მიმღების და შემსრულებლის თავზეც გავიარე, აბსურდული ბრალდებით და პოლიტიკური მოტივით ამდენი ადამიანის ციხეებში გამომწყვდევას რომ გულისხმობს.
მოვა დრო და ეს ამბავი თაობიდან თაობებს გადაეცემა, როგორც ერთ-ერთი უსამარცხვინოესი ფურცელი ჩვენი ქვეყნის ცხოვრებაში.
მოკლედ, ერთი დიდი პოეტისა არ იყოს, ჩემთვის დღესავით არის ნათელი, რას იტყვის თქვენზე შთამომავლობა".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

წინანდლის ფესტივალის მერვე სეზონის გახსნამდე ისტორიულ მამულში პრესკონფერენცია გაიმართა