რუსული კანონის საწინააღმდეგო აქციაში მონაწილეობისთვის დაკავებულ გიორგი კუჭუაშვილს სააპელაციო სასამართლომ ბრალდება გადაუკვალიფიცირდა და საპატიმრო ვადა 2 წლით შეუმცირდა — გადაწყვეტილება მოსამართლე დავით მამისეიშვილმა მიიღო.

კუჭუაშვილს ბრალად პოლიციელზე თავდასხმა ედებოდა და ბრალდება 353 პრიმა მუხლზე, პოლიციელისთვის წინააღმდეგობის გაწევაზე გადაუკვალიფიცირდა. კუჭუაშვილი საპატიმროს 7 თვეში დატოვებს.

4 თებერვალს, მოსამართლე მიხეილ ჯინჯოლიამ გიორგი კუჭუაშვილს 4 წლით თავისუფლების აღკვეთა მიუსაჯა. კუჭუაშვილს ბრალად სპეცრაზმელისთვის ნახევრად ცარიელი ბოთლის თვალში მორტყმას ედავებოდნენ. სამედიცინო ექსპერტიზის დასკვნის თანახმად, სპეცრაზმელისთვის მიყენებული დაზიანების ხარისხი მსუბუქი იყო და მის ჯანმრთელობას საფრთხე არ შეუქმნა.