ცესკოს თავმჯდომარე გიორგი კალანდარიშვილი აცხადებს, რომ არჩევნებზე დამკვირვებელს არ მოეთხოვებათ რაიმე კონკრეტული სპეციალობა, ან პროფესიული გამოცდილება. ის არ გამორიცხავს მედიაში გავრცელებულ ინფორმაციას იმის შესახებ, რომ 2025 წლის თვითმმართველობის არჩევნებზე ერთ-ერთი დამკვირვებელი, შესაძლო მართლა ეწვია სასაფლაოს. "არ გამოვრიცხავ, ვინ რას ეწვია, ეს არის მათი უფლება. სასაფლაოზე იყო, თუ რესტორანში იყო, თუ კულტურული ძეგლები იყო, ეს არის მათი უფლებამოსილება", — თქვა კალანდარიშვილმა "ტვ პირველის" ჟურნალისტთან საუბრისას.

"არა აქვს ვალდებულება და ამაზე საუბრობს საერთაშორისო პრაქტიკაც, რომ დამკვირვებელს არ მოეთხოვებათ რაიმე კონკრეტული სპეციალობა, ან პროფესიული გამოცდილება, იმის თაობაზე რომ ისინი იყვნენ წარდგენილი დამკვირვებლად. ამიტომ, თუ ვინმეს რაიმე პროფესია აქვს, ეს არ წარმოადგენს ჩვენს ინტერესის სფეროს; არ გამოვრიცხავ, ვინ რას ეწვია, ეს არის მათი უფლება. სასაფლაოზე იყო, თუ რესტორანში იყო, თუ კულტურული ძეგლები იყო, ეს არის მათი უფლებამოსილება. მთავარია, რომ დაკვირვების ნაწილში და ისინი და ნებისმიერი დამკვირვებელი მოქმედებდეს კანონმდებლობის შესაბამისად", — განაცხადა ცესკოს თავმჯდომარეს, გიორგი კალანდარიშვილმა "ტვ პირველის" ჟურნალისტთან საუბრისას.

ცნობისათვის, "მითების დეტექტორის" ინფორმაციით, 2025 წლის თვითმმართველობის არჩევნებზე ერთ-ერთი დამკვირვებელი, ივ მარი ჟორჟ რობერტ ალფი ფრანგული სამგლოვიარო სერვისების კომპანია Caritas Obsèques-ის ხელმძღვანელი იყო.