[საკონსტიტუციო სარჩელი] არ გავრცელდება ერთ და ორ პარტიაზე. სრულ სიას გაეცნობით, როცა სარჩელი შევა საკონსტიტუციო სასამართლოში, — ამის შესახებ ოცნების პრემიერმა, ირაკლი კობახიძემ ოცნების საკანონმდებლო ინიციატივაზე საუბრისას სვეტიცხოვლის ტაძრის ეზოში ჟურნალისტებთან საუბრისას თქვა, რომლის მიხედვითაც ენმ-ისა და მასთან აფილირებულ პარტიებს პოლიტიკური აქტივობა შეეზღუდებათ.

რა თქმა უნდა, ეს [საკონსტიტუციო სარჩელი] არ გავრცელდება ერთ და ორ პარტიაზე. სრულ სიას გაეცნობით, როცა სარჩელი შევა საკონსტიტუციო სასამართლოში და ეს მოხდება ძალიან მალე. ვინც საბოტაჟში იყო ჩართული, მთელი ამ წლების განმავლობაში, ვინც არ ასვენებდა ამ ქვეყანას, ყველაზე შევა სარჩელი. ...რაც შეეხება მიდგომას და პრინციპს. პრინციპი არის შემდეგი - პირველი ვინც 2012 წლამდე იყო სისხლიანი რეჟიმის წარმომადგენელი, რა თქმა უნდა მათზე აუცილებლად გავრცელდება სარჩელი და რაც შეეხება 2012 წლის შემდგომ პერიოდს, ვინც ამ სისხლიან პოლიტიკურ ძალასთან ერთად მონაწილეობდა ქვეყნის წინააღმდეგ გამუდმებულ საბოტაჟში, რა თქმა უნდა, ყველას შეეხება ეს საკონსტიტუციო სარჩელი, დანარჩენზე გადაწყვეტილებას მიიღებს საკონსტიტუციო სასამართლო. ეს არ გავრცელდება მხოლოდ ერთ და ორ პარტიაზე, სრულ სიას გაეცნობით, როდესაც სარჩელი შევა საკონსტიტუციო სასამართლოში და ეს მოხდება ძალიან მალე", — განაცხადა ოცნების პრემიერმა, ირაკლი კობახიძემ.

ცნობისათვის, გუშინ, 13 ოქტომბერს ქართული ოცნება — დემოკრატიული საქართველოს გორგასლის ოფისში საპარლამენტო უმრავლესობის სხდომა გაიმართა, სადაც უმრავლესობის წევრების მიერ მიღებული გადაწყვეტილებით, ქართული ოცნება საგამოძიებო კომისიის დასკვნის საფუძველზე მომზადებულ სარჩელს საკონსტიტუციო სასამართლოში უახლოეს მომავალში შეიტანს.