ნორვეგიულმა მედიასაშუალებებმა, მათ შორის VG-მ, გაავრცელეს ინფორმაცია, რომ ნორვეგიის დედაქალაქის აეროპორტმა 6 ოქტომბრის ღამეს დრონების შესახებ ინფორმაციის გამო მუშაობა შეაჩერა.

ნორვეგიის პოლიციის ცნობით, ოსლოს აეროპორტთან ახლოს დრონები თვითმფრინავის პილოტმა შენიშნა. პოლიციამ ნორვეგიული თვითმფრინავის ეკიპაჟი დაკითხა და ინციდენტთან დაკავშირებით გამოძიება დაიწყო.

აეროპორტის ოპერატორმა Avinor-მა განაცხადა, რომ არცერთი რეისი არ გაუქმებულა და არც სხვა აეროპორტებში გადამისამართებულა. თუმცა, რამდენიმე რეისი გადაიდო.

ოსლოს აეროპორტმა უკვე შეაჩერა ფუნქციონირება 23 სექტემბრის ღამეს აეროპორტის მახლობლად დრონების გამოჩენის გამო. დრონები, რომელთა წარმომავლობა ოფიციალურად არ არის დადგენილი, ასევე შენიშნეს ნორვეგიის სხვა ნაწილებში, ასევე დანიაში, სადაც დრონების დაფიქსირების გამო რამდენიმე აეროპორტი დაიხურა.