საქართველოს მე-5 პრეზიდენტი სალომე ზურაბიშვილი, ვარშავაში ვიზიტის ფარგლებში, ლატვიის საგარეო საქმეთა მინისტრ ბაიბა ბრაჟეს შეხვდა. შეხვედრის შესახებ ორივე მათგანმა სოციალურ პლატფორმა X-ზე დაწერეს.

ზურაბიშვილის თქმით, "ლატვიის მხარდაჭერა მნიშვნელოვანია, რადგან ვიცავთ ჩვენს თავისუფლებას და ევროპისკენ მიმავალ გზას".

"შევხვდი ბაიბას ბრაჟეს — საქართველოს ბრძოლა დემოკრატიისა და ევროპული მომავლისთვის შეუჩერებელია. ლატვიის მხარდაჭერა მნიშვნელოვანია, რადგან ჩვენ ვიცავთ ჩვენს თავისუფლებას და ევროპისკენ მიმავალ გზას", — წერს ზურაბიშვილი.

ბაია ბრაჟე წერს, რომ "ლატვია გააგრძელებს ქართველი ხალხის ევროპული მისწრაფებების მხარდაჭერას".

"მნიშვნელოვანი შეხვედრა საქართველოს მეხუთე პრეზიდენტ სალომე ზურაბიშვილთან. საქართველოს მთავრობის პოლიტიკა საქართველოს ევროპული გზიდან აშორებს. ლატვია გააგრძელებს ქართველი ხალხის ევროპული მისწრაფებების მხარდაჭერას", — წერს ბრაჟე.