"ტვ პირველის" ინფორმაციით, ქარელის რაიონის, სოფელ თამარაშენიდან, საოკუპაციო ხაზიდან ოკუპანტებმა 5 არასრულწლოვანი გაიტაცეს.

ერთ-ერთი გატაცებულის მამამ, ბესო სიდამონიძემ "ტვ პირველთან" საუბრისას განაცხადა, რომ გატაცებულთა ასაკი 10 წელს არ აღემატება.

"ქარელის რაიონში სოფელ თამარაშენში ბავშვები იყვნენ ამოსულები, თამაშობდნენ, საოკუპაციო ხაზთან ჩვენს ტერიტორიაზე. გაიტაცეს ბავშვები. რუსები იყვნენ თუ ოსები ამას ვერ დაგიდასტურებთ. საშინელ მდგომარეობაში ვართ, თუ ვინმეს მიუწვდება ხმა საელჩოებთან ან თვითაღიარებულ რესპუბლიკასთან გთხოვთ, დაგვეხმაროთ. ლაპარაკია 10 წლის ბავშვებზე, მოგვხედეთ, გთხოვთ," — განაცხადა ბესო სიდამონიძემ "ტვ პირველთან" საუბრისას.

მომხდართან დაკავშირებით სუს-მა NEWS.On.ge-ს განუცხადა: "ბავშვები ჩვენთან და უსაფრთხოდ არიან". მათი თქმით, მომხდართან დაკავშირებით სხვა დეტალები მოგვიანებით გახდება ცნობილი.