გერმანიაში საქართველოს საგანგებო და სრულუფლებიან ელჩად ალექსანდრე კარტოზია დაინიშნა.

ინფორმაციას ოცნების ხელისუფლების საგარეო საქმეთა სამინისტრო ავრცელებს.

ალექსანდრე კარტოზია 1997–1998 წლებში საქართველოს პარლამენტის ეროვნული ბიბლიოთეკის დირექტორი იყო, 1998–2004 წლებში — საქართველოს განათლების მინისტრი.

"ალექსანდრე კარტოზია იკავებდა წამყვან აკადემიურ თანამდებობებს საქართველოს სახელმწიფო უნივერსიტეტში; ასევე მუშაობდა მკვლევარად და უძვებოდა სალექციო და სასემინარო კურსებს ბერლინის, ფრანფურტის, ბრემენის წამყვან უნივერსიტეტებში.

ალექსანდრე კარტოზიამ, როგორც მეცნიერმა და მთარგმნელმა, მნიშვნელოვანი წვლილი შეიტანა გერმანულ-ქართული კულტურული ურთიერთობების გაღრმავებაში.

2022 წელს ის გერმანიის ფედერაციული რესპუბლიკის დამსახურების ორდენით - "დამსახურების ჯვრით" დაჯილდოვდა", — წერია საგარეო უწყების მიერ გავრცელებულ განცხადებაში.