შინაგან საქმეთა სამინისტროს ინფორმაციით, ბათუმში თურქეთის მოქალაქე ცოლ-ქმარი ნარკოდანაშაულისთვის დააკავეს. უწყების თქმით, პირადი ჩხრეკისას მათ სუბოქსინის 300 აბი და 64,886 გრამი ჰეორინი ამოიღეს.

შსს-ს განმარტებით, ერთ-ერთ დაკავებულს ნარკოტიკული საშუალება მდმა-ს, მეტამფეტამინისა და ტეტრაჰიდროკანაბინოლის მოხმარება დაუდგინდა.

გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-6 ნაწილის "ა" ქვეპუნქტით), რაც ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.