საქართველოში დაბრუნებული აქტივისტი ნიკა ნარსია აეროპორტში დააკავეს. ნარსიას გზის გადაკეტვისთვის 15-დღიანი პატიმრობა მიესაჯა. აქტივისტზე ჯამში 19 საქმე იყო აღძრული. მას ადმინისტრაციული სამართლის 174 პრიმა მუხლის მე-6 ნაწილით ედავებიან, რაც ჯარიმას ან 25 დღემდე პატიმრობას ითვალისწინებს.

"დამაკავეს აეროპორტშივე. 4 ოქტომბერი გამარჯვების დღეა," — წერს აქტივისტი სოციალურ ქსელში.

დაკავებამდე რამდენიმე საათით ადრე, ნარსიამ სოციალურ ქსელში განაცხადა, რომ ადრე ბრუნდება მოგზაურობიდან, რათა 15-დღიანი სასჯელის მოხდა მოასწროს და 4 ოქტომბრის აქციას შეუერთდეს.