უკრაინის პრეზიდენტის, ვოლოდიმირ ზელენსკის თქმით, სექტემბრის დასაწყისიდან, რუსეთმა უკრაინელი ხალხის წინააღმდეგ სხვადასხვა ტიპის 3 500-ზე მეტი დრონი, თითქმის 190 რაკეტა და 2 500-ზე მეტი ავიაბომბი გამოიყენა. ამის შესახებ ზელენსკიმ X-ზე დაწერა.

ვოლოდიმირ ზელენსკიმ აღნიშნა, რომ ზაპოროჟიეში რუსეთის შეტევებს 13 ადამიანი, მათ შორის, ორი ბავშვი ემსხვერპლა. უკრაინის პრეზიდენტის თქმით, მხოლოდ ერთ ღამეში რუსეთმა 100-ზე მეტი დრონი და 150-მდე საჰაერო ბომბი გამოიყენა.

"ზაპოროჟიეში მაშველებმა ხანძრების ჩაქრობა, რომლებიც ქალაქის რუსული სარაკეტო არტილერიით დაბომბვას მოჰყვა, დაასრულეს. მტერმა განზრახ დაარტყა ჩვენს ხალხს ტერორის გასაღვივებლად — დაჭრილია 13 ადამიანი, მათ შორის ორი ბავშვი. დაზიანდა ბევრი საცხოვრებელი სახლი. მიკოლაევის რეგიონში ერთი ადამიანი დაიღუპა, როდესაც ჩვეულებრივ ფერმას ცეცხლი გაუხსნეს. მწუხარებას ვუცხადებ ოჯახსა და ახლობლებს. კიევი, სუმი, ხარკოვი, დონეცკი და ხერსონის რეგიონებიც დაიბომბა — მხოლოდ ამ ერთ ღამეში 100-ზე მეტი დრონი და 150-მდე საჰაერო ბომბი გამოიყენეს. საგანგებო სამსახურები ყველგან მუშაობენ, სადაც კი საჭიროა," — დაწერა ვოლოდიმირ ზელენსკიმ.

უკრაინის პრეზიდენტმა ხაზი გაუვა ევროპის ცის ერთობლივი დაცვის მნიშვნელობას და აღნიშნა, რომ ამისთვის ყველა საჭირო ტექნოლოგია უკვე არსებობს, საჭიროა მხოლოდ ინვესტიციები და მონდომება.

"მხოლოდ სექტემბრის დასაწყისიდან ჩვენს ხალხს სხვადასხვა ტიპის 3,500-ზე მეტი დრონი, თითქმის 190 რაკეტა და 2,500-ზე მეტი ავიაბომბით დაარტყეს. ასევე დაფიქსირდა პროვოკაციები ჩვენი პარტნიორების წინააღმდეგ. ეს სწორედ ის საჰაერო ტერორია, რის წინააღმდეგაც უკრაინა ერთობლივ დაცვას ითხოვს — რათა აღარავის მოუხდეს ბრძოლის თვითმფრინავების სასწრაფოდ აფრენა და რუსეთის ზეწოლის შეგრძნება საკუთარ საზღვრებთან. ახლა დროა, ევროპული ცის ერთობლივი დაცვა მოხდეს მრავალფენიანი საჰაერო თავდაცვის სისტემით. ყველა საჭირო ტექნოლოგია უკვე არსებობს. საჭიროა მხოლოდ ინვესტიციები და მონდომება — ძლიერი მოქმედებები და გადაწყვეტილებები ჩვენი ყველა პარტნიორისგან.

მადლობას ვუხდი ყველას, ვინც დაგვეხმარა", — დაწერა ვოლოდიმირ ზელენსკიმ.