ოცნების პარლამენტის თავმჯდომარემ, შალვა პაპუაშვილმა "კოალიცია ცვლილებისთვის" ლიდერ ელენე ხოშტარიასა და ნიდერლანდების ელჩ მელინე არაკელიანის, სავარაუდო, შეხვედრაზე კომენტირებისასა თქვა, რომ "ეს გახლავთ საქართველოს არჩევნებში ჩარევის მაგალითი" და "ელენე ხოშტარია ექსტრემისტი პოლიტიკოსია".

"სამწუხაროა, ჩვენ ხშირად ვსაუბრობთ ამაზე ვენის კონვენციის ხსენება უკვე მეზარება სიმართლე გითხრათ, არ ვიცი რამდენჯერ უნდა ვახსენოთ ვენის კონვენცია და შევახსენოთ საქართველოში აკრედიტებულ დიპლომატებს, რომ პოლიტიკაში ჩარევის უფლება მათ არ აქვთ, და გამაოგნებელია, როდესაც მას შემდეგ, რაც წინა დღეს ელენე ხოშტარიამ ჩაიდინა პოლიტიკურად მოტივირებული დანაშაული და დააზიანა არჩევნებში მონაწილე პარტიის საარჩევნო ბანერები ამ პოლიტიკურად მოტივირებული დანაშაულის შემდეგ, როგორც ჩანს არ ვიცი ყოველ შემთხვევაში ჯერ დასტურდება არის საჭირო თავად ელჩის მხრიდან, არა ოფიციალურ შეხვედრაზე, არამედ პირად შეხვედრაზე იწვევს ექსტრემისტ პოლიტიკოსს და ეს თავისთავად ამგვარი ხასიათის არაფორმალური შეხვედრები არის პირადი დამოკიდებულების თუ რა ვიცი პირადი მხარდაჭერის ჩვენება, რაც არის გამაოგნებელი, როცა უცხო ქვეყნის აკრედიტებული დიპლომატი ექსტრემისტ პოლიტიკოსს არაფორმალურ გარემოში, მას შემდეგ რაც მან ჩაიდინა პოლიტიკურად მოტივირებული დანაშაული, ხვდება.

მე არაერთხელ მითქვამს, რომ ზუსტად ასეთი ან დაუფიქრებელი ქმედებები ან დაფიქრებული, კიდევ უფრო უარესი თუ კი ეს წინასწარ დაფიქრებული, ჩაფიქრებული და გააზრებული არის, ქმედებები ახალისებს ექსტრემიზმს საქართველოში.

ელენე ხოშტარია არის ექსტრემისტი პოლიტიკოსი, რომლის გაცხადებული მიზანი არის 4 ოქტომბერს საქართველოს მოქალაქეებისთვის არჩევნებზე ნების გამოხატვისთვის ხელის შეშლა და არჩევნების ჩაშლა, ის ამაზე საუბრობს. მეორე მისი გაცხადებული გეგმა არის ხელისუფლების ძალადობით შეცვლა, როდესაც საუბრობენ გადატრიალებებზე თუ დამხობებზე და ასე შემდეგ.

და ასეთ ექსტრემისტ პოლიტიკოსს, როდესაც არა ფორმალურ გარემოში, თუმცა ესეც პრობლემა იქნებოდა, რომ ასეთ ექსტრემისტებს ფორმალურადაც შეხვდნენ და არა თუ ასეთ ფორმალურ გარემოში, არაფორმალურ გარემოში პირად რაღაც ურთიერთობას და პირად სიმპათიებია თუ არ ვიცი ეს მე რა არის, პირად მხარდაჭერას ყოველ შემთხვევაში ამით აჩვენებს, როდესაც მას შემდეგ რაც წინა დღეს ჩაიდინა პოლიტიკურად მოტივირებული დანაშაული მეორე დღეს უცხო ქვეყნის ელჩი ხვდება. ამიტომ, კიდევ ერთხელ, მათ შორის ეს გახლავთ საქართველოს არჩევნებში ჩარევის მაგალითი თუ კი ეს სიმართლე არის, რომ მას შემდეგ რაც ექსტრემისტმა პოლიტიკოსმა დააზიანა არჩევნებში მონაწილე სუბიექტის ქონება და ჩაიდინა პოლიტიკურად მოტივირებული დანაშაული, ამის შემდეგ ჰოლანდიის ელჩი მას არაფორმალურ გარემოში შეხვდა", — თქვა შალვა პაპუაშვილმა.

ჟურნალისტის კომენტარზე იმის შესახებ, რომ ევროპარლამენტარების ნაწილი ხელისუფლების დასანქცირებას ითხოვს ელენე ხოშტარიას დაკავების გამო, შალვა პაპუაშვილმა განაცხადა, რომ "ერთადერთი, ვინც უნდა დასანქცირდეს, თუკი ვინმეს კანონის უზენაესობა და დემოკრატია აინტერესებს, გახლავთ თავად ელენე ხოშტარია, რომელიც ექსტრემიზმით არის დაკავებული".