"თუ ცოტათი მაინც ჭკუა შესწევთ, რამდენიმე ორგანიზატორი უნდა დატოვონ, რომ აქცია იყოს მართვადი, რომ ხალხი არ იყოს უმართავი, თორემ ჩვენ ვნახეთ უმართავი ხალხი ნეპალში", — ამის შესახებ "რუსთაველის გამზირის" ლიდერმა, პაატა ბურჭულაძემ "პალიტრანიუსის" ეთერში განაცხადა.

რაც შეეხება უფრო კონკრეტულ გეგმებს 4 ოქტომბერთან დაკავშირებით, ბურჭულაძე ამბობს, რომ ღონისძიება რამდენიმე ლოკაციაზე გაიმართება და 200–დან 300 000-მდე ადამიანს ელოდებიან, 4-შივე მოხდება საზოგადოებისთვის მინისტრთა კაბინეტის შეთავაზება და გამოცხადდება. ტექნიკური მთავრობა.

"ჩვენ უნდა გვქონდეს სამი ლოკაცია. ამ ლოკაციებს მოგვიანებით ვიტყვით. ჩვენ ველოდებით 200-დან 300 ათასამდე ადამიანს. პირველი საკითხი იქნება ის, რომ გინდა თუ არა ხელისუფლება კონსტიტუციის ფარგლებში ჩაიბაროს ქართველმა ხალხმა. დარწმუნებული ვარ, რომ ყველა იტყვის კი. იმ მომენტიდან საქართველოს ვიბარებთ ჩვენ ხელში. ჩვენ ვერ ვიტყვით, რომ ხელისუფლება წავიდეს, რადგან დღეს ჩვენ არ გვყავს ხელისუფლება. რაც შეხება მეორე და მესამე საკითხს, ამას ჩვენ მოგვიანებით გეტყვით. ვფიქრობ, ეყოფათ ჭკუა, რომ სროლა არ ატეხონ და მარტო ფიზიკურად შემოვიდნენ.

4-შივე მოხდება საზოგადოებისთვის მინისტრთა კაბინეტის შეთავაზება, ხალხმა უნდა იცოდეს ვინ არის. ყველაფერი გამოცხადდება. ტექნიკური მთავრობა იქვე გამოცხადდება.

მშვიდობას უნდა ბრძოლა, თორემ გამოსვლით და "ძირს ოლიგარქიას" ძახილმა უკვე თავისი დრო მოჭამა. ბრძოლა ბოლომდე, არ უნდა დავნებდეთ!

ჩემი აზრით, 8:00 საათზე უკვე დასრულებული იქნება. უკვე გადმობარებული უნდა იყოს. ჩემი გადმოსახედიდან არჩევნები ტყუილად ტარდება", — აცხადებს პაატა ბურჭულაძე.