ბრალდებულს, რომელიც სისტემატურად აუპატიურებდა თავის არასრულწლოვან შვილს, 16 წლით თავისუფლების აღკვეთა მიესაჯა. ამის შესახებ ინფორმაცია პროკურატურა ავრცელებს.

"სასამართლო პროცესებზე გამოკვლეული მტკიცებულებებით დადასტურდა, რომ ბრალდებული ძალადობით და დაზარალებულის უმწეობის გამოყენებით, სისტემატურად აუპატიურებდა არასრულწლოვან შვილს.

სამართალდამცველებმა ბრალდებული 2025 წლის 18 მაისს დააკავეს. მას ბრალდება საქართველოს სისხლის სამართლის კოდექსის 11 პრიმა, 137-ე მუხლის მე-3 ნაწილის "ე" და მე-4 ნაწილის "გ" ქვეპუნქტებით (გაუპატიურება ჩადენილი არასრულწლოვანი ოჯახის წევრის მიმართ) წარედგინა.

თელავის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 16 წლით თავისუფლების აღკვეთა განუსაზღვრა", — ნათქვამია პროკურატურის მიერ გავრცელებულ ინფორმაციაში.