ლისაბონში "გლორიას" ფუნიკულიორზე ვაგონის ლიანდაგიდან გადასვლის გამო დაღუპულთა რიცხვი 17-მდე მას შემდეგ გაიზარდა, რაც საავადმყოფოში მკურნალობისას დაშავებული ორი ადამიანი გარდაიცვალა. ამის შესახებ ინფორმაციას AP, საგანგებო სამსახურების წარმომადგენელზე დაყრდნობით, ავრცელებს.

ლისაბონის სამოქალაქო დაცვის სააგენტოს ხელმძღვანელმა, მარგარიდა კასტრო მარტინსმა თქვა, რომ ყველა გარდაცვლილი ზრდასრულია. მისი თქმით, გარდაცვლილთა ვინაობა და მოქალაქეობა არ სახელდება, ვიდრე მათი ოჯახები არ იქნებიან ინფორმირებულნი.

AP-ის ინფორმაციით, დაშავებულებს შორის იყვნენ პორტუგალიის მოქალაქეები, ასევე ორ-ორი გერმანიისა და ესპანეთის და თითო — საფრანგეთის, იტალიის, შვეიცარიის, კანადის, მაროკოს, სამხრეთ კორეის და კაბო-ვერდეს მოქალაქეები.

დედაქალაქის უახლეს ისტორიაში ყველაზე მძიმე კატასტროფის გამო, პორტუგალიაში ხუთშაბათს 3-დღიანი ეროვნული გლოვა გამოცხადდა.

ლისაბონის ფუნიკულიორის ავარიას 15 ადამიანი ემსხვერპლა — ქვეყანაში 3-დღიანი გლოვა გამოცხადდა