უამინდობის გამო, ქუთაისის საერთაშორისო აეროპორტმა სამი რეისი ვერ მიიღო. ინფორმაციას NEWS.On.ge-ს "საქართველოს აეროპორტების გაერთიანებაში" უდასტურებენ და ამბობენ, რომ მიზეზი ძლიერი ქარი იყო.

მათი ცნობით, ლარნაკას და პოზნანის რეისები თბილისის საერთაშორისო აეროპორტში დაფრინდნენ, დედაქალაქში მიმავალი მგზავრები დარჩნენ, ხოლო დანარჩენები ქუთაისში ავტობუსით წაიყვანეს. თბილისში ჩამოფრენა მოუწია ატირაში მიმავალ თვითმფრინავსაც, თუმცა შემდეგ კვლავ უკან, ქუთაისის საერთაშორისო აეროპორტში დაბრუნდა და რეისი შეასრულა.

"საქართველოს აეროპორტების გაერთიანებაში" გვითხრეს, რომ ამჟამად ქუთაისის საერთაშორისო აეროპორტი რეისებს უკვე ჩვეულ რეჟიმში იღებს.