გერმანიის კანცლერი ფრიდრიხ მერცი, საფრანგეთის პრეზიდენტი ემანუელ მაკრონი და პოლონეთის პრემიერმინისტრი დონალდ ტუსკი მოლდოვას დამოუკიდებლობის 34-ე წლისთავთან დაკავშირებით ეწვივნენ. ინფორმაციას Deutsche Welle ავრცელებს და წერს, რომ ფრიდრიხ მერცმა და ემანუელ მაკრონმა ევროკავშირში მოლდოვას გაწევრიანების მხარდაჭერა გამოთქვეს.

ასევე, Deutsche Welle-ს ცნობით, ოთხშაბათს, კიშინიოვში, მოლდოვას ყოფილი საბჭოთა კავშირისგან დამოუკიდებლობის 34-ე წლისთავზე, გერმანიის კანცლერმა ფრიდრიხ მერცმა, საფრანგეთის პრეზიდენტმა ემანუელ მაკრონმა და პოლონეთის პრემიერმინისტრმა დონალდ ტუსკმა მხარდაჭერა გამოუცხადეს მოლდოვას ევროკავშირში გაწევრიანებისკენ სწრაფვას.

"ევროკავშირის კარი ღიაა," — განაცხადა მერცმა მოლდოვას პრეზიდენტ მაია სანდუსთან შეხვედრისას და აღნიშნა: "თქვენ მთელი გულით მიგიღებენ ევროკავშირში".

გამოცემის ცნობით, საფრანგეთის პრეზიდენტმა, ემასნუელ მაკრონმა ოთხშაბათს სამ ლიდერთან ერთად ასევე გამოხატა საფრანგეთის "მტკიცე მხარდაჭერა" მოლდოვასა და მისი ევროკავშირში გაწევრიანებისკენ სწრაფვაში.

"კრემლის პროპაგანდა გვეუბნება, რომ ევროპელებს [მეზობელ უკრაინაში] ომის გახანგრძლივება სურთ და რომ ევროკავშირი ხალხს ჩაგრავს — ეს ტყუილია. რუსეთისგან განსხვავებით, ევროკავშირი არავის ემუქრება და პატივს სცემს ყველას სუვერენიტეტს," — განაცხადა მაკრონმა.