შენების მოძრაობის ინფორმაციით, დმანისში ქართულ ოცნება მოსახლეობაზე ზეწოლას ახდენს. პარტიის განცხადების თანახმად, სოფელ ირგანჩაის მაცხოვრებლებს მმართველი პარტიის დმანისის შტაბის იურისტი ემზარ პეტრიაშვილი სთხოვს ყურანზე დაიფიცონ, რომ 21 ოქტომბერს ბიულეტენში 41-ს შემოხაზავენ. მათივე ინფორმაციით, დავალება ქართული ოცნების მაჟორიტარმა კახა ოქრიაშივლმა გასცა.

შენების მოძრაობა ასევე აღნიშნავს, რომ განსხვავებული პოლიტიკური შეხედულების გამო ბოლო პერიოდში გახშირდა ზეწოლისა და დაშინების ფაქტები.

ქართული ოცნების პრესსამსახურმა On.ge-ის უთხრა, რომ პარტია შენების მოძრაობის ბრალდება არის სიცრუე, რომ დმანისის შტაბში მსგავს ფაქტს არ ჰქონია ადგილი.