აზერბაიჯანის პრეზიდენტმა ილჰამ ალიევმა ბრძანებას მოაწერა ხელი, რომლის მიხედვითაც ქვეყნის ენერგეტიკის სამინისტროს უკრაინისთვის ჰუმანიტარული დახმარების სახით 2 მილიონი დოლარი გადაეცემა — ამის შესახებ აზერბაიჯანული მედია გვატყობინებს.

ბრძანებაში ხაზგასმულია აზერბაიჯანის ერთგულება ჰუმანიტარული პრინციპებისადმი, რაც სხვადასხვა ქვეყანასთან როგორც ორმხრივ, ასევე მრავალმხრივ ფორმატში დახმარების გაწევას გულისხმობს. ბოლო წლებში აზერბაიჯანმა უკრაინას არაერთი ჰუმანიტარული დახმარება გაუგზავნა არსებული ვითარების გამო.

2025 წლის თებერვალში ალიევმა ელექტროსაქონლისთვის 1 მილიონი დოლარი გამოყო, ხოლო 2023 წლის ივლისში — 7,6 მილიონი დოლარი. 2022 წელს უკრაინისთვის აზერბაიჯანის მიერ გაწეული დახმარება 17,6 მილიონს დოლარს აღემატებოდა, რაც იმ წელს ყველაზე დიდი მოცულობის დახმარება იყო, რაც ქვეყანამ რომელიმე სახელმწიფოს გაუწია.