საქართველოს თავდაცვის სამინისტროს საბრძოლო მოქმედებების დროს და სამშვიდობო მისიებში დაჭრილი და დაშავებული სამხედროებით დაკომპლექტებული 15-კაციანი გუნდი კანადაში გამართულ ძლიერთა თამაშებში [Invictus Games] მონაწილეობს.

ქართველი სამხედროები სპორტის 6 სახეობაში ასპარეზობენ: ველორბოლა, ცურვა, წოლჭიმი, მშვილდით სროლა, ავტორბოლა, მჯდომარე ფრენბურთი.

ამერიკაში საქართველოს საელჩოს ინფორმაციით, ოლიმპიადის მონაწილე ქართველ სამხედროთა ჯგუფი პრინც ჰარის შეხვდა. სამეფო ოჯახის წევრი თამაშებს უკვე მესამე დღეა შეყვარებულთან ერთად ესწრება.

ოლიმპიადა სწორედ პრინც ჰარის პატრონაჟით იმართება, ქართველი სამხედროები მასში უკვე მესამედ მონაწილეობენ.

ფოტო: Embassy of Georgia to the United States

ფოტო: Reuters

ფოტო: Embassy of Georgia to the United States