კოალიცია ლელო-ძლიერი საქართველოს გენერალური მდივანი ირაკლი კუპრაძე კვლავ აცხადებს, რომ "არანაირი შეწყალების მიმართვა არალეგიტიმური პრეზიდენტისთვის არ იქნება". კუპრაძე ეხმაურება ოცნების არჩეული პრეზიდენტის, მიხეილ ყაველაშვილის მიერ გუშინ, 23 ივლისს, მეორედ გაკეთებულ შეთავაზებას ოპოზიციონერი ლიდერების შეწყალების შესახებ.

"რამდენიმე წუთის წინ ყაველაშვილმა ისევ შეწყალება შემოგვთავაზა, "რუსთავი 2"-ის პირდაპირი ეთერიდან, თუ მივმართავთ განცხადებით და თუ მაღიარებთო.

ჩვენც ვპასუხობთ: გამეორება ცოდნის დედაა," — წერს ირაკლი კუპრაძე სოციალურ ქსელში და აზიარებს მის მიერ 4 ივნისის გავრცელებულ განცხადებას: "არანაირი შეწყალების მიმართვა არალეგიტიმური პრეზიდენტისთვის არ იქნება, ჩვენ მას მივუთითებთ გზას რუსული ხომალდის მიმართულებით"

ოცნების პრეზიდენტმა, მიხეილ ყაველაშვილმა 4 ივლისს თვითმმართველობის არჩევნებთან დაკავშირებით განცხადება გააკეთა. მან აღნიშნა, რომ თუკი ოპოზიციური პოლიტიკური პარტიების დაკავებული ლიდერები შეწყალების თხოვნით მიმართავენ და დაადასტურებდნენ, რომ მათ სურთ ადგილობრივ არჩევნებში მონაწილეობის მიღება, ის დაუყოვნებლივ გამოსცემს აქტს შესაბამისი მსჯავრდადებულების შეწყალების თაობაზე.

ასევე იხილეთ: