მძლეოსნობის ფედერაციების საერთაშორისო ასოციაციამ (IAAF) რუსი ათლეტების რიოს ოლიმპიადიდან მოკვეთის გადაწყვეტილება ძალაში დატოვა.

ასოციაციის მესვეურთა შეხვედრა დღეს ვენაში გაიმართა. შეხვედრაზე დაადგინეს, რომ რუსეთმა ვერ დააკმაყოფილა მძლეოსნობის სახეობებში მონაწილე სპორტსმენების ოლიმპიადაზე აღდგენისთვის საჭირო კრიტერიუმები.

საბჭომ არ გაითვალისწინა რუსეთის სპორტის მინისტრის მტკიცებულებები და განცხადება ყველა კრიტერიუმის დაკმაყოფილებისა და მოთხოვნების შესრულების შესახებ.

რუსი სპორტსმენები ოლიმპიადიდან აკრძალული ნივთიერებების გამოყენების გამო, გასული წლის ნოემბერში მოიხსნენ.

რუსი ათლეტების ოლიმპიადაში მონაწილეობის საბოლოო გადაწყვეტილებას საერთაშორისო ოლიმპიური კომიტეტი 21 ივნისს მიიღებს.

რიო-დე-ჟანეიროს XXXI ზაფხულის ოლიმპიური თამაშები 5 - 26 აგვისტოს გაიმართება.