UNICEF-მა საქართველოში ახალგაზრდების უნარებისა და საკვანძო კომპეტენციების შესახებ ახალი კვლევის შედეგები გამოაქვეყნა, რომლის მიხედვითაც ახალ­გაზ­რ­დე­ბი დიდ გა­მოწ­ვე­ვებს აწყ­დე­ბიან წიგ­ნი­ე­რე­ბა­ში, გან­სა­კუთ­რე­ბით აზ­რე­ბის ფორ­მუ­ლი­რე­ბა­სა და ნათ­ლად გა­მო­ხატ­ვაში.

"კვლე­ვის მო­ნა­წი­ლე­თა მე­ოთხედს გა­უ­ჭირდა აზ­რე­ბის და­ლა­გე­ბუ­ლად გად­მო­ცე­მა და ხში­რად იყე­ნებ­დ­ნენ მარ­ტივ, მწირ ლექ­სიკას, ან სრუ­ლად ვერ გა­მო­ხა­ტავ­დ­ნენ აზრებს, რაც ხშირ შემ­თხ­ვე­ვა­ში მათ­ში ფრუს­ტრა­ცი­ას და მღელ­ვა­რე­ბას იწ­ვევ­და.

წე­რი­ლო­ბი­თი უნა­რე­ბი გა­მორ­ჩე­უ­ლად პრობლე­მუ­რი სფე­რო გა­მოდ­გა, გან­სა­კუთ­რე­ბით ენობ­რი­ვი უმ­ცი­რე­სო­ბე­ბის­თ­ვის, რო­მელ­თა სა­ხელ­მ­წი­ფო ენის ცოდ­ნის დო­ნე არა­საკ­მარი­სი იყო აკა­დე­მი­უ­რი და­ვა­ლე­ბე­ბის­თ­ვის თა­ვის გა­სარ­თ­მე­ვად.

მო­ნა­წი­ლე­თა მე­სა­მედს გა­უ­ჭირ­და და­მაჯე­რე­ბე­ლი, და­სა­ბუ­თე­ბუ­ლი არ­გუ­მენ­ტე­ბის მოყ­ვა­ნა, რაც კრი­ტი­კულ აზ­როვ­ნე­ბა­სა და დე­ბა­ტებ­ში გა­მოც­დი­ლე­ბის ნაკ­ლე­ბო­ბა­ზე მი­ა­ნიშ­ნებ­და.

მო­ნა­წი­ლე­თა უმე­ტე­სო­ბა ახერ­ხებ­და სა­უბრის ში­ნა­ა­რსი მი­დევ­ნე­ბას და დის­კუ­სი­ა­ში მო­ნა­წი­ლე­ო­ბას, თუმ­ცა მნიშ­ვ­ნე­ლო­ვან ნაწილს უჭირ­და სხარ­ტად სა­უ­ბა­რი, სა­უბ­რის დროს გრა­მა­ტი­კულ შეც­დო­მებს უშ­ვებ­და და ჟარ­გონს იყე­ნებ­და", — წერია კვლევაში.

კვლევაში, მრავალენოვნება, კულტურული ცნობიერება და თვითგამოხატვის ნაწილში ვკითხულობთ, რომ ეთ­ნი­კუ­რი უმ­ცი­რე­სო­ბე­ბის წარ­მო­მად­გენლე­ბი არ ფლო­ბენ ქარ­თულ ენას სა­თა­ნადოდ, რაც სა­ჭი­როა მა­თი მო­ნა­წი­ლე­ო­ბის­თვის აკა­დე­მი­ურ პრო­ცეს­ში.

"ზო­გა­დად, ახალ­გაზ­რ­დე­ბი აღი­ა­რე­ბენ მრავა­ლე­ნოვ­ნე­ბი­სა და კულ­ტუ­რუ­ლი ცნო­ბი­ერე­ბის მნიშ­ვ­ნე­ლო­ბას. მო­ნა­წი­ლე­თა 92%-მა აღ­ნიშ­ნა, რომ ინ­გ­ლი­სუ­რი ენა იცის, მნიშ­ვნე­ლო­ვან­მა ნა­წილ­მა კი გა­მო­ხა­ტა და­მა­ტები­თი ენე­ბის სწავ­ლის ინ­ტე­რე­სი.

ეთ­ნი­კუ­რი უმ­ცი­რე­სო­ბე­ბის წარ­მო­მად­გენლე­ბი არ ფლო­ბენ ქარ­თულ ენას სა­თა­ნადოდ, რაც სა­ჭი­როა მა­თი მო­ნა­წი­ლე­ო­ბის­თვის აკა­დე­მი­ურ პრო­ცეს­ში.

ბევ­რი ახალ­გაზ­რ­და სა­ქარ­თ­ვე­ლოს ტო­ლერან­ტულ ქვეყ­ნად მი­იჩ­ნევს, თუმ­ცა არა­ერთ­გ­ვა­რო­ვა­ნი და­მო­კი­დე­ბუ­ლე­ბა იყო სა­ზოგა­დო­ე­ბა­ში კულ­ტუ­რუ­ლი ტო­ლე­რან­ტო­ბის ხა­რის­ხის მი­მართ", — წერია კვლევაში.

კვლევის მიხედვით, მი­უ­ხე­და­ვად იმი­სა, რომ ქართველი სტუდენტები აღია­რე­ბენ მეც­ნი­ე­რე­ბის, ტექ­ნო­ლო­გი­ე­ბის, ინ­ჟი­ნე­რი­ი­სა და მა­თე­მა­ტი­კის (STEM) მნიშვ­ნე­ლო­ბას, მის შე­სა­ხებ შეზღუ­დუ­ლი წარმოდ­გე­ნა აქვთ, გან­სა­კუთ­რე­ბით ეს ეხე­ბა ყო­ველ­დღი­ურ ცხოვ­რე­ბა­ში მეც­ნი­ე­რე­ბის პრაქ­ტი­კულ გა­მო­ყე­ნე­ბას.

"ბევ­რი სტუ­დენ­ტი ვერ აკავ­ში­რებს მეც­ნიე­რე­ბის ცოდ­ნას კა­რი­ე­რუ­ლი ზრდის პერ­სპექ­ტი­ვას­თან ისეთ დარ­გებ­ში, რო­გო­რი­ცაა სოფ­ლის მე­ურ­ნე­ო­ბა, ენერ­გე­ტი­კა ან ქი­მი­ური პრო­დუქ­ცი­ის წარ­მო­ე­ბა.

უმ­რავ­ლე­სო­ბა აღი­ა­რებს მა­თე­მა­ტი­კი­სა და ფი­ნან­სუ­რი წიგ­ნი­ე­რე­ბის ღი­რე­ბუ­ლე­ბას, მაგ­რამ ბევრს უჭირს აღ­ნიშ­ნუ­ლი უნა­რე­ბის პრაქ­ტი­კულ სი­ტუ­ა­ცი­ებ­თან და­კავ­ში­რე­ბა.

მი­უ­ხე­და­ვად იმი­სა, რომ ფი­ნან­სუ­რი წიგ­ნიე­რე­ბა არ­სე­ბი­თად მნიშ­ვ­ნე­ლოვ­ნად მი­იჩნე­ვა, უმ­ც­რო­სი ასა­კის სტუ­დენ­ტე­ბი მას ხშირად არა­რე­ლე­ვან­ტუ­რად თვლი­ან.

მო­ნა­წი­ლე­ებ­მა გა­მო­ამ­ჟ­ღავ­ნეს გა­რე­მოსდაც­ვი­თი სა­კითხე­ბი­სა და ადა­მი­ა­ნე­ბი­სა და ბუ­ნე­ბის ურ­თიერ­თ­კავ­ში­რის შე­სა­ხებ მა­ღა­ლი ცნო­ბი­ე­რე­ბა.

ბევ­რი მეც­ნი­ე­რე­ბას უმე­ტე­სად აკა­დე­მი­ურ სფე­როდ მი­იჩ­ნევს", — წერია კვლევაში.

რაც შეეხება კვლევაში ფსიქიკური ჯანმრთელობის ნაწილს, ვკითხულობთ, რომ ფსი­ქიკუ­რი ჯან­მ­რ­თე­ლო­ბა ახალ­გაზ­რ­დე­ბისთ­ვის ყვე­ლა­ზე მნიშ­ვ­ნე­ლო­ვა­ნი პრობ­ლე­მაა და ბევ­რი მო­ნა­წი­ლე ინ­ფორ­მი­რე­ბუ­ლია ფსი­ქიკუ­რი პრობ­ლე­მე­ბის რის­კებ­ზე, თუმ­ცა საკითხის ცოდ­ნა შეზღუ­დუ­ლი­ა.

"ახალ­გაზ­რ­დე­ბის მნიშ­ვ­ნე­ლო­ვან­მა ნა­წილ­მა ისა­უბ­რა ფსი­ქიკუ­რი ჯან­მ­რ­თე­ლო­ბის მომსა­ხუ­რე­ბე­ბის შეზღუ­დულ ხელ­მი­საწ­ვ­დომო­ბა­ზე, გან­სა­კუთ­რე­ბით, ფი­ნან­სუ­რი ხელმი­საწ­ვ­დო­მო­ბის და სტიგ­მის კუთხით, რაც სე­რი­ო­ზუ­ლი დაბ­რ­კო­ლე­ბე­ბი­ა.

ბევ­რ­მა ახალ­გაზ­რ­დამ უპი­რა­ტე­სო­ბა მი­ა­ნიჭა სა­ზო­გა­დო­ე­ბა­ში არ­სე­ბულ ფსი­ქო­ლო­გი­ურ მომ­სა­ხუ­რე­ბებს.

მო­ნა­წი­ლე­ებ­მა ხა­ზი გა­უს­ვეს ფსი­ქი­კუ­რი ჯანმ­რ­თე­ლო­ბის შე­სა­ხებ მე­ტი გა­ნათ­ლე­ბის საჭი­რო­ე­ბას, გან­სა­კუთ­რე­ბით სკო­ლის დო­ნე­ზე, რა­თა ცალ­კე­ულ­მა პი­რებ­მა შეძ­ლონ სიმ­პ­ტომე­ბის ამოც­ნო­ბა და დახ­მა­რე­ბის მო­ძი­ე­ბა.

ბუ­ლინ­გი და ოჯა­ხუ­რი პრობ­ლე­მე­ბი და­სახელ­და ფსი­ქი­კუ­რი ჯან­მ­რ­თე­ლო­ბის პრობლე­მე­ბის ფარ­თოდ გავ­რ­ცე­ლე­ბულ ხელ­შემწყობ ფაქ­ტო­რად", — წერია კვლევაში.

კვლევის ავტორების ინფორმაციით, საფ­რან­გე­თის მთავ­რო­ბის მხარ­და­ჭე­რით და შვი­დი რე­გი­ო­ნის სა­ხელ­მ­წი­ფო და კერ­ძო უნი­ვერ­სი­ტე­ტებ­თან პარ­ტ­ნი­ო­რო­ბით გა­ე­როს ბავ­შ­ვ­თა ფონ­დ­მა მიზ­ნობ­რივი კვლე­ვა ჩა­ა­ტა­რა თბი­ლის­ში, თე­ლავ­ში, ქუ­თა­ის­ში, ბა­თუმ­ში, ზუგ­დიდ­ში, გორ­ში, ახალ­ცი­ხე­სა და ახალ­ქა­ლაქ­ში. კვლე­ვის მი­ზა­ნი იყო უნა­რე­ბი­სა და მთე­ლი ცხოვრე­ბის მან­ძილ­ზე სწავ­ლის­თ­ვის საკ­ვან­ძო კომ­პე­ტენ­ცი­ე­ბის შე­ფა­სე­ბა, რომ­ლე­ბიც ეფუძ­ნე­ბა ევ­რო­კო­მი­სი­ის რე­კო­მენ­და­ცი­ებს და ხელს შე­უწყობს სა­ქარ­თ­ვე­ლო­ში ახალ­გაზ­რ­დე­ბის გან­ვი­თა­რე­ბა­სა და წარ­მა­ტე­ბულ გზას გა­ნათ­ლე­ბა­ში, და­საქ­მება­სა და სა­ზო­გა­დო­ებ­რივ ცხოვ­რე­ბა­ში.