საქართველოს საზღვართან, დაღესტანთან, აფეთქების დროს ერთი მესაზღვრე გარდაიცვალა. შილდის გამგებელი, ლევან ხუციშვილი ამბობს, რომ გაზის ბალონი აფეთქდა.

"ბიჭებს საზღვართან კარავში ენთოთ შეშის ღუმელი. ამ ღუმელის გვერდით მდგარა გაზის ბალონი. ეტყობა ის გახურდა და აფეთქდა. ვინც ახლოს იწვა მასთან ის დაიღუპა და სამი ყოფილა დამწვარი", - განუცხადა ხუციშვილმა რუსთავი 2-ს.

შინაგან საქმეთა სამინისტროს ინფორმაციით, გაზის აალების შედეგად ერთი პირი გარდაიცვალა, ორი კი დაშავდა. საქმეზე გამოძიება სისხლის სამართლის კოდექსის 124-ე მუხლით მიმდინარეობს. ამ მუხლით, ჯანმრთელობის ნაკლებად მძიმე ან მძიმე დაზიანება გაუფრთხილებლობით ისჯება ჯარიმით ან გამასწორებელი სამუშაოთი ვადით ორ წლამდე.