"ჩვენს ოპონენტებს და რადიკალებს მარტო იმის სურვილი კი არ აქვთ, რომ უვიზო მიმოსვლა შეჩერდეს, არამედ დიდი ბომბი რომ მოხვდეს ქვეყანას და ამოწყდეს აქაურობა, ამის დიდი სურვილიც აქვთ" — ასე უპასუხა ოცნების პარლამენტის წევრმა დავით მათიკაშვილმა მედიის კითხვას, რომ შესაძლოა, 15 ივლისს, ევროპული საბჭოს ევროკავშირის საგარეო საქმეთა მინისტრების შეხვედრაზე ვიზალიბერალიზაციის შეჩერება და მოსამართლეთა დასანქცირება განიხილონ.

"ჩვენს ოპონენტებს და რადიკალებს მარტო იმის სურვილი კი არ აქვთ, რომ უვიზო მიმოსვლა შეჩერდეს, არამედ დიდი ბომბი რომ მოხვდეს ქვეყანას და ამოწყდეს აქაურობა, ამის დიდი სურვილიც აქვთ. რა უნდა ელაპარაკო ადამიანებს, ვისაც ერთადერთი რამ აერთიანებთ — საკუთარი ქვეყნის და ხალხის სიძულვილი. ვერ ეღირსებიან ვერც ბომბებს ჩვენი ქვეყნის თავზე, მადლობა ღმერთს ამისთვის, და ვერც იმ შედეგებს, რაც სურთ" — თქვა მათიკაშვილმა.

მოსამართლეთა დასანქცირებაზე დასმული კითხვის საპასუხოდ კი მათიკაშვილმა თქვა, რომ "ვერ განხორციელდა ქართველ მოსამართლეთა წინააღმდეგ სპეცოპერაცია".

"ვერ განხორციელდა ქართველ მოსამართლეთა წინააღმდეგ სპეცოპერაცია. ხომ გახსოვთ, იყო მცდელობა, ასევე, ვეტინგის, როგორ ცდილობდნენ, რომ ნებისმიერი ღირსეული დემოკრატიული ქვეყნისთვის მიუღებელი მოცემულობა დანერგილიყო ჩვენს ქვეყანაში" — თქვა მათიკაშვილმა.