თეატრის გენერალური სპონსორია ბაზისბანკი.

ბაზისბანკსა და კოტე მარჯანიშვილის სახელობის თეატრს შორის გენერალური სპონსორობის ფარგლებში, 13 და 15 ივლისს, თეატრის დიდ სცენაზე ჟორჟ ბიზეს კარმენის პრემიერა გაიმართება. სპექტაკლის იდეის ავტორი, რეჟისორი და ქორეოგრაფია გია მარღანია.

კარმენ სუიტა — ბალეტი ერთ მოქმედებად, რომელიც დაფუძნებულია ჟორჟ ბიზეს ცნობილი ოპერის კარმენის მუსიკალურ თემებზე. კომპოზიტორმა როდიონ შედრინმა ამ ნაწარმოების უნიკალური ორკესტრირებული ვერსია შექმნა, რომელმაც ბიზეს მუსიკის სილამაზე და ემოციური სიღრმე სრულად შეინარჩუნა.

ბალეტის ქორეოგრაფი ალბერტო ალონსოა. ის ეფუძნება პროსპერ მერიმეს ნოველა, კარმენს, რომელიც გვიამბობს ქალის თავისუფლებაზე, სიყვარულზე, ვნებასა და გარდაუვალ ტრაგედიაზე. ისტორია მოგვითხრობს ქალზე, რომლის ცეცხლოვანი ხასიათი და დამოუკიდებლობა ტრაგიკულად ეჯახება დონ ხოსეს სიყვარულს — კაცს, რომლისთვისაც კარმენის გამო არანაირი ზღვარი არ არსებობს.

გია მარღანია ქმნის ამ ამბის თანამედროვე ინტერპრეტაციას და ქართველი მსახიობების მონაწილეობით გვთავაზობს კარმენის ახალ სცენურ ვერსიას. სპექტაკლში მონაწილეობენ: ანკა ვასაძე, ნიკა ნანიტაშვილი, ლუკა ჭანიშვილი, მიშა ზაქაიძე, ანა თალაკვაძე და გია მარღანია.

“ქართული კულტურის ერთ-ერთი უმსხვილესი მხარდამჭერი ფინანსური ინსტიტუტი, ბაზისბანკი მეოთხე წელია მარჯანიშვილის თეატრის გენერალური სპონსორია. ბანკსა და თეატრს შორის თანამშრომლობა მიზნად ისახავს თეატრალური ხელოვნების პოპულარიზაციას და ერთობლივი, მნიშვნელოვანი პროექტების განხორციელებას, რომელთა ფარგლებშიც 13 და 15 ივლისს, თეატრი კარმენის პრემიერას შესთავაზებს მაყურებელს. მიზარია, რომ კვლავ აქტიურ რეჟიმში ვაგრძელებთ თანამშრომლობას და დარწმუნებული ვარ, მომავალშიც ბევრ საინტერესო ერთობლივ პროექტს შევთავაზებთ მაყურებელს.“ — ბაზისბანკის სტრატეგიული კომუნიკაციებისა და ბრენდინგის დეპარტამენტის უფროსი, თამარ ხადური.