პრეზიდენტის უარის მიუხედავად, პარლამენტის რიგგარეშე სხდომა 26 სექტემბერს მაინც გაიმართება. ხვალ, 14:01 საათზე სხდომის ჩანიშვნაზე პარლამენტის თავმჯდომარემ, ირაკლი კობახიძემ ისაუბრა.

მისი თქმით, იმის გამო, რომ პრეზიდენტს პარლამენტიდან მოთხოვნა 24 სექტემბერს, 14:01 საათზე გაუგზავნა მათ რიგგარეშე სხდომის ჩატარება ზუსტად 48 საათის გასვლის შემდეგ შეუძლიათ.

"ჩვენ ვთხოვეთ, რომ წერილობითად ჩაგვებარებინა ეს დოკუმენტი პრეზიდენტისთვის, თუმცა, იქიდან იყო პასუხი, რომ შაბათ-კვირას პრეზიდენტი არ მუშაობს. ეს იყო პასუხი, რაც ბუნებრივია, არის ბავშვობა და ამაზე დამატებითი კომენტარის გაკეთება არ შეიძლება", - განაცხადა ჟურნალისტებთან საუბრისას პარლამენტის თავმჯდომარემ.

რიგგარეშე სხდომის დანიშვნაზე უარის შესახებ საქართველოს პრეზიდენტის, გიორგი მარგველაშვილის პრესკონფერენციაზე გახდა ცნობილი.

საპარლამენტო უმრავლესობას რიგგარეშე პლენარულ სხდომაზე საკონსტიტუციო ცვლილებების მესამე მოსმენით განხილვას გეგმავს. საქართველოს პარლამენტმა კონსტიტუციის პროექტი მეორე მოსმენით 23 ივნისს მიიღო. კენჭისყრას სულ 115 დეპუტატი ესწრებოდა, მათ სრულად დაუჭირეს მხარი საკონსტიტუციო ცვლილებებს. პროცესს ბოიკოტი გამოუცხადა ოპოზიციამ.